朗聲四起

Madalamaku, tutalragi, la takalra ku talrilragili, lu takalra ku talragi madu, kaidu masepesepele, la kiparalubu madu, ai, lu silapane ku talragi, wasusu madu, kaidu sia talragi cacapangn, lukathariri ku takaumaumasane, sya talragi madu, malisi si talragi ku kaika mathariri ku takaumaumasane.

ku talragili takalra turamuru, ai madadalamengaku ki Lavakaw, kutalragili ka Lavakaw masilangenai ku caili, taruadradrusanai, sanaka manemane, masilange nai mugaku, mapapa siagisi ku danenai, laka tarangudradrekai nai, la masasudalepenai turamuru. Ku talragili ka Lavakaw, malalekete nai ku elrengane, ai, malrelrede nakwane, lu lailai nai, laka mariaridareane, mararakacaku tukudru ku amece la kathane.

Ku talragili ka Lavakaw, mathariri ku takidremedremane, kai malisilisi ki palrapalra, pa suadaudalru turamuru, la thingale palribulu, kaimalralrase pasikai ki umaumase, lu ikai ku matiakukuru, tarapasiakai, palribulu. lamulecege turamuru, ku takaumaumasane, muaesadhaku turamuru sitalragiaku iniane. Ku talragili ka Lavakaw, kya samula turamuru ki au ngane,masulivate turamuru lu tuatumane, la mialri, lu pacase, lu bingkiu, malrigili turamuru, aswalalanga, malrilrigilinga naiyane ka marededele, luikai ku makulrungu la bulru la pa ralubu.

Madalamaku turamu, ki taleragili ka Lavakaw, kyalibake, paralubu nakwane, mwasake ne. la matinu, turamuru, ku tamatatalragiane nai, nau tarakisamula laiyaku, kay taki dremedremaneli, lai tara kisamulaku, itarakalrumalaku.

交朋友的好處很多，遇到困難的時候有人會幫助。但要選擇適合自己、品行良好的人當朋友。sa lra bu是我的好朋友。與我同年齡也是鄰居，身高和我差不多，皮膚比我白，跑步比我快，品行優良，待人有禮，尊重他人，他喜歡幫助別人，人緣好，是我們班上的模範生，班上的第一名，也是同學間的小幫手。

我非常喜歡我的朋友，我也非常尊敬他。看見他如此的優秀，我常常暗自勉勵，一定要認真的向他學習，不能辜負他對我的期望。