朗聲四起

lo ki’aovaovahanata, mataadhi’i lo i’adhanata cengele siyalalra, ma’ikalromalromalekata ka ’akodhadhao lo ’aovaovahata, maamaikai ka tapa’ikalromalromale todhao ’aovaovaha, pakai cengele ona adholroeta ’aovaovaha, ’aovaovahae’o ona kidholroeta ’aovaovaha, lani ki’ihakimiya’e masokosokodho. ’atoloho, lo ikita kapahahovoenga, lo ki’aovaovahanata mataadhi’i lo i’adhana cengele siyalalra, ona taiyae’o ’aovaovaha, lo paoli’o ’aovaovaha, ona ’i kapatapi’aenga’o, amopalolodhimiya’e pii’a tapi’ae’o, to’onalrae’o ’aovaovaha, ’oakelangaa’o kinakadhaoe vaha’o, ’alringaana amokinakadhaoe paoli’o.

makocingai tohamoho ana ’aiyaiya vaha, apokoamao la kataadhi’i taiyaemao ’aovaovaha, mani oa inakepe taiyaemao ’aovaovaha, matalaki kipaolimao ka ocao, mamelre’ekai ka ti’a ’ina dhidhape. kapa niiyakadha “’aliki ngodhoi mo’adhingi ana ca’emae, ’alikii ngodhoi mokavole takatakolrae.” olrihoomita maesale ’aovaovaha kapaoocaonga, oha’eve lo kiyoani inakepe taiyae’o ’aovaovaha, taesanga ihaki maa’inovalra’anga.    

還沒說話之前，最好先停看聽，該說才說，不該說則別說，才不會成為爭執的導火線。所以，說話之前最好先停、看、聽，不要亂說話，免得你話更多，錯誤更多。說話是大學問，說得好、說得巧，不會得罪人，不是輕而易舉的事。「病從口入，禍從口出。」如果說得不得體，經常會造成雙方的誤解。

話多不代表說得就對，話少不一定是少見識，想說得恰到好處，唯有注意自己的言行舉止，拿捏分寸。根據前人的經驗，說話得愈少，出錯機會就愈少。