朗聲四起

kamaiikinga lama’apalange mani toalake totokapi Haoso la kaahaha. dhona Haoso mani ’acakelae moa ’i Sa’imae. mani ka’ete o’i lamengaedha Haoso. dhona’i Sa’imae mani pa’imolramolraidhe o’i Haoso, mani poidhe pa’ivo ’ovolo. dhona ’i tokapi kaahaha alriho’ongadha mani dhaace moa kohokohidhe ’ilapidhe Haoso.

a’otomongadha mani ’iyase “Haoso, maava’ilraimiya’e malramalra, imiya paiyamita ’ina’i”. ona aokavolengadha mani dhaace moa o’i ’Oponoho Latavelengae. “amo dholomita iya dhonalo ’Oponoho la poa tovaa” mani iilidhe dhona ’Oponoho. mani poa tovaa o’i a’ivivai. akadho’ongadha, ona’i kaahodhange mani ohilidhe asavasavahe “moanga malramalrilidhe Sa’imae”.

ona ’i asavasavahe mani iya ’ina “maava’inainome malramalra, moamita ’Oponoho amo pa’akataadhi’ingamita ma’akadhalro, lo cekelana kapaa’olaalainga maava’i.” manidhaace ovililidhe. aokelangalidha ’Oponoho. “imiya, toloholrana” mani iilidhe. atoloholraengalidha cekelae, mani iya ’ina’i takaahodhange “imiya, Haoso molatadha lako kasahivo sakadha’adha’ane’o.” mani olatadhe o’i Haoso.

kapapakinicengelaidhe Sa’imae “kani amokoani ikina Haoso modhipi? la’avolongatine” kapaiya mahekeme dhonalo Sa’imae. ona’i atamatama ’a “moa Haoso pa’ongo’ongolo sakadha’adha’ane’o” maniidhe dhona Haoso. mani oa pa’ongo’ongolo “sahivoenganomo sakadha’adha’anelinome?” otakaahodhange “molekatenga” mani iya.

mani oanga pato’o tapekece ta ikiki dha’ane “imiyanga molatadhanga 

pekeciline poelre pakaeanga tedha lani oa pato’o valriyolini” iya. mani olatadhe oilidhe pekece poelrilidhe maeaeanga ta ’atedha, mani ka’ete cekelae dhonalo Sa’imae. dhna’i ’Oponoho “moanga dhoace, mani oa pato’o dhona’i cinekelaenomi” iidhe, mani dhaace lolodhidhe takaeaea tapekece. aokelangadha valriyo mani pato’o lomoamolai. alropengengadha pato’o mani pekecidhe dhona tapekece ta’anopapalridhe. dhona Haoso mani ikinga valriyo ta’aelrenga linadha.

有對夫妻生了雙胞胎Haoso和穿山甲，但Haoso嫁去外地，因為先生過世，被迫要陪葬，穿山甲想把Haoso帶回萬山Latavelengae家，交待青年們釀酒、接人回來，但沒想到Haoso已被埋葬。

青年們到達萬山後，耆老說：「Haoso，來外面懷念姻親們。」Haoso竟然走出來敬酒。耆老們告訴家裡的蜜蜂：「出來叮這些人，只留一人讓他回去告訴其他人」。一隻蜜蜂就跟著一個人，告訴大家這件事，就被蜜蜂叮死，Haoso從此就和父母一起留在聚落。