朗聲四起

Sbiyaw balay, niqan kingal dxgal kska gsilung Ay-Cing sun, 2 laqi thowlang klwaan ka kmlawa, 1 o wada pshgun phuqil Yuus; kingal duri o yaasa wada phqilun ka mnswayi na, naqih kuxul na ni wada qduri klwaan isil. Thowlang klwaan hiya o biqan na 1 dxgal ka hiya,, laqi na kuyuh o ngalan na maakuyuh na, lqlaqi laqi na o pklutut kmlawa klwaan, hangan klwaan nii o Therute ksun, Laqi laqi Rawite ka thowlang klwaan siida, saw aji hhuya alang paru nii o psbgrahaw ta smmalu qnabil na, powsa kari, Apuru ni Pusayte ddayaw dha Theruyi, qduun do ini biqi thowlang klwaan ni wada na lwaqun ka dhiya , 2 utux nii o “ ida nami yahun smiyuk pkrsung rmudaw ka alang paru Theruyi nii ”msa, ini bi biyaw, prajing mtgjiyal ka Theruyi ni Girisiya.

Mrata Theruyi o mrmun balay kmlawa ni stgiyal dha pbrinah ka mrata Girisiya. rmngaw saw sklwiun euda ka Awtsyus, “ smlaa ta kingal kacing mrata paru qhuni! (1). kingal paru bi kacing mrata ruwan nbuyas na o mtduwa tmayan kana mrata. (2). skagul ta 1 qmpringan seejiq peapa asu embrinah dxgal kska gsilung Thenitu, mtaga jiyax miyah mseupu tmgjiyal, hcii psqama kana ka qngqaya ttgjiyal ni kana qpabang, pqtai ta paru qrngul ka mrata Theruyi, wada embrinah ka pais da mksa lmnglung, msthjiq lnglungan ni mlatat alang kana. (3). smkagul kingal seejiq musa thksaw seejiq qnduriq, rngagi saw nii ka seejiq Theruyi, yaku o seejiq Girisiya, miyah ku peangal aji hhuya elug ddaun, psramal phuqil tnbgan ssiyus dha deutux. Ma saw sgealu mksa qmita hyaan ka seejiq Theruyi ni pstmayun dha alang, duri ni seejiq Theruyi o ppstmaydha dha qhuni kacing mrata alang, dhuq jiyax ggaliq ta phuqil kana seejiq ni pkrsngun ta ka Theruyi da. ”

Mnhdu rmngaw ka Awtsyus do asi kndka phiyug baga kana ka mrata, prajing smmalu kacing mrata qhuni ka dhiya, hbaraw bi mttqnay musa dgiyaq qmtul qhuni, tmabuy ni pspuun dha smmalu, jiyan ni keeman mtbbiyax bi smmalu, ana inu ka saw nii mtbiyax qtaan kana, llbu bi jiyax do  qhduun dha smmalu da. smmalu birat kacing mrata, rmdax mdka muudus ka 2 dowriq, mlglug yupan bgihur ka ubal kacing mrata, paru bi ruwan nbuyas na ni mdka balay bi qtaan ka papak na, kana qbubur kacing mrata nii o mdka saw snluan baga msalu qngqaya qhuni malu bi qtaan, mskluwi bi kana ka mrata.

宙斯有一個兒子棄位逃離他國。該國國王賞賜他土地，並將女兒嫁給他，這國家擁有一座大城「特洛伊」。為確保安全，阿波羅、波賽得兩位天神幫助特洛伊築牆，完工後，國王不付酬勞，天神揚言摧毀特洛伊城，希臘無法戰勝，奧德修斯提出妙計－建造木馬！

只要冒充逃難的人告訴特洛伊人，這是預備獻祭眾神的祭品，將裝有戰士的木馬拖進城，就有機會勝利，奧德修斯的計謀獲得贊同，大家日夜趕工完成建造，木馬巧奪天工，令戰士驚嘆不已。