lo pakane-ni mene-nga ocao, madhalame ovili palrapalra-ni moa takanakanae kone. o’i ’aamadhalae lo iki-ni ta’acakelae dha’ananae-ni, taesa poa “ totaleke” mani alraalraalra lamelamengae-ni.

’aico’ono-lrao ona asolasolate-na-li san ningsi, ona aolropenge-nga-idhe todha’ane vao’ae dha’ane, opoa totaleke, na-’adha’aadhao-nai ’ina tolrainga dhidhape.

lo “ kitotaleke”-na-dha ti’a ’idha, maava’i ta’adhidhapae ocao poa totinmake, kahikooco ama-li kelrakelrai tadhiliyange solate, ’inivalrenga madhahiyange dha’ane-nai.

dhona maelrenae menanae, ona taahaaha’a la ’atakadho’a-dha maava’i omece ona ’adhamadhamai la takiyae paso’ete sangepahe, mani malra dhona takiyae apa’aavinga: omiki tatilivi cokoi, iki tasavesave aa’o, omiki take’eke’ete ’adhamai…

ona aokelangadha ’aka-mangele la kadho’a toki, mani poa pobakeci ama-li, palriho’o ocao mani topatilai-nga ’initataleke.

mani paatahea pocokocokoi dhona “ taadhi’inga ’adhamai, ” sina-kaanengamao ’a mahimoho-ka-mao.

inali la amali paatahea cokoi dhoadhaace ’oidhai takaava’i valravalrae, tako-masahivo, tako-ka’omomao, mii’a koli’i ta-lidha’a ’aka-’omao-lidha.

olo maka-’initataleke-nga-dha, lo iki-dha “ pa’atedhae ’adhamai ”, ina-li ’a ovavaa’i lamelamengae-nai vilavila’anai. ’ina takadho’a matolro menanae, amo aha-kane-nai ’ina “ pa’atedhae ’adhamai ” dha’ananae-nai, paokela lo lropenge-nai kone.

dhoonai caili ’akahavehevehe-mao “ ta’inietataleke ” -mao, ona ’akataadhi’idha o’i ’anoami’a-dha ona “ pa’atedhae ’adhamai, ” mokela mene ka mahimohimoho-ka-li ona ’anoami’adha.

現在的人請客，喜歡帶著親友到飯店用餐；以前的人家裡有喜事，常會「辦桌」宴請親朋好友。

記得小學三年級時，家裡的新房子蓋好後，也要請客了，這是我盼望好久的一件大事。辦桌前一天，工人來搭棚架，爸爸忙著掛紅彩，家裡好熱鬧。

當天早上，廚師和他的助手載來滿車的食材和用具，他們分工合作把各種用具就定位。有的人排桌子，有的人洗菜，有的人切菜…。全都為了迎接中午的盛宴。我們小孩子好奇的跟前跟後。 

爸爸和媽媽一桌一桌的向客人打招呼、問好。等宴會收場，有一些「菜尾」，媽媽會分送給親朋好友。往後兩三天，全家就吃這些「菜尾」，直到全部吃完。

當年「辦桌」時的歡樂氛圍，「菜尾」的好味道，是我到現在還難以忘懷的家鄉味。