朗聲四起

tidike’eilinga mosowa ka titina nakowa, silikay ko mabibiso mwa ko tivalakiso nakowa, la kathangeda’a na va’iyane sawkowa mati’awbo, laso tivalake.

nakowa, la sikiyawdronga lwapo nakow pata’athay nakay sesane, ki titinana kowa no ’akamolini ka syadimotom, la angico’olo mathai namiya. ki titinamiya ko.

ta’acwavanini ka wadrawway no apobakabani ka wadalamane, tamacanini ka amiya na bangabangale mapoli, cimini ka laka’dileange macani ka la’atawmomo,engedelanini ka ikakakolay ikametee tyaebaeba tane, la patisemowamowao ma’aka lawcocawnga.

ki titinana kowa ka maygigili, waygo’o thenay thiawbo, di’ici, tikopingi, tisapa’a, bocoi, towako, ano ’ibayvini ka lakaseka’a to’o na maka caysyane.

na do’o, waygo’o tyabay, yicibi na bowathi si tay, ano dwavacini ka lapasilikay tawmoma wamece na sa’ace’acebe. kititinamiya no mwini tawmoma ka.

kyadrama kimade noamece amina sa’ace’acebe mya. no ’ikayni daa’ne ka la paygo’o namiya solate, kiname lamelamenganiname ka ta’amayday, makasi.

akititinamiya ka i’abayli, iala kiname bicingi sa’apokani ki titinamiya ka, nikwani kya’adili apobaka na miya na takagi’ane, bicingi namiya no apobakaname, la sykaky na magi’i nabaka matikaykay mnamiya bobonamiya na takagia’ne, ano ikaini na makocingay kidredremi name ka kititinamiya ka la dodawa’o manamiya patiswaagi'i, na aminakay ka titian ka nwamimadesilape. koso ka titinakowa ka amikoso na pelenge, manimanimani na igo’iso na kaigiliso, ko silikayso mabibi nakowa ka mwa'anakay sesane, la abayli koso no kadromane, makasi wae’ede koso na bibaylane na makowace ka la balay koso , pa’ikay kidredremiso, niyaw, yaminame ka sapasivivi mosowa nakay sa ba’aysu namiya.

我的媽媽工作認真、喜歡及愛我們，為人柔和，臉就像白花潔白，雙頰紅潤、眼睛很大，身體不瘦、不胖剛剛好。母親很會唱歌、跳舞、做衣服、做月桃蓆、做網袋，煮傳統飯。她很會做年糕、烤地瓜，教我們讀書。我們有心裡不舒服的話，她會給我們安慰。我們的媽媽會用很好的話教育我們，像這樣的媽媽要去哪裡找？

媽媽像神一樣樣樣會。從懷孕到生我，一直都很辛苦。但是媽媽會吞下這些辛苦，把壞的收心中，我們要如何回報。