朗聲四起

ona aovalriyongai, mani odha’ane Mooni, kahavehavehe miya ’ina, “inake, amo congcioci lo’idha, poopoa niciyoobi taivalrivalriyae, dholronai makatoolrolonga menanae ivalriyo”. ona asiyalalrani inani amopi’amadhalaemo’o solate solate’o lamo dholromo’o to’aakene ivalriyo congcioci iine. Mooni ’a mani ’akodhaadhaonga miya ’ina “amopakatoolrolonganai menanae ivalriyo, amo soolatelrao lo’idhanga” iya.

’apakapo’ale menanae, Mooni ’a osolatekai ka solateni. pakonoa solate iine inani, palrailraie’o iine inani. oha’eve iya ’ina Mooni “congcioci mene, nao’anovahe’aena omiyalrao, amo soolatelrao lo’idhanga” iya.

ona’i moongonga, ova’ailine kikapi miimilriki vilavila’alini,’a, ona acengeleni Mooni kadhaladhalamaengai kone miimilriki, nao okavolenga mokoco omiya lringaoni, nao alra kone iya ’ehe alrimani. kapaidhiidhiidhi cokonohoni inani miya ’ina, “todhaongamo’o kone akanakanae, amokanemo’o lo’idhanga”.

Mooni ’a, sinaapa’iidhedhemengai dhona miimilriki, kama’apololonga. sinapaohikingai ’apikakaniyae miimilriki miya, omiine inani ’ina “kahikocae’o kahikocae’o, amokanemo’o lo’idhanga”. odholrongakai ka edhene ’ina Mooni, kamamotohonga ngodhoini miya ’ina “inake, kasanimiya’e kanemo’o lo’idhanga miya, icodhalra’anga nao kalameke miya ’ina miimilriki”.

ona asiyalalrani ’ina Mooni, kapaka’inonga madhiliyaliyange macani, mani ’inikookono ’oilri taikikiyaeni pakono solate solateni.

放學後，Mooni一進家門說：「明天是中秋節，可以連放三天假！」。媽媽要她先寫作業，才能安心過節。Mooni大聲的說明天再寫。第二天，Mooni沒有寫作業，還說今天是中秋節，明天再寫。晚上，鄰居送了幾顆水蜜桃，Mooni伸手想吃，媽媽搖搖頭說：「你吃了很多點心，明天再吃」。Mooni忍不住嘟著嘴說：「您總說明天再吃，水蜜桃都快放爛了！」，媽媽笑著說：「我是跟你學的！要你寫作業，你也是說明天再寫！」。Mooni聽到後，不好意思的趕緊回房間寫作業。