朗聲四起

izuwa a macaqu a semenay a vulung a tjaucikel na ramaljemaljeng! tja si padaljidalji uta ta mamacaquwan a semenay a uqaljaqaljay, matu qatjuvi a  senay ta kinabulay aya!

izuwa a vulung a matu cinemasan i pasamaza i vukid, matjatjelu a kakaizuwanan nimadju aya. i pasamaza i kavulungan a matjaita, avan nu kiniveqacan na paiwan zuku a kacalisiyan aya. a matjaita imaza i pasulaulauz ta qinaljan, tjalja tjengelayan a tjaruzuwa timadju, rulangeda aravac atja sikataqaljan nu semenay timadju imaza. nu maqinaljan a vulung paljilji sakamaya a pakazua ta umaq nua mamazangiljan! avan nu  sikamasan tjelulj a umaq nimadju mavan azuwa a umaq nua tja mamazangiljan.

nu pabiyus a semenay a vulung mavan a pakeljang tja nuitjen tu izuwa a uri tja secevugnan a napenazangal a pacugan aya a ramaljemaljeng. nu lemangeda a pulingav ta senay na vulung, mapalisi a kivadaq ta cemas a tisa tjagaraus tu anema a sisenasenay turi pasainu itjen tucu, kimanguwaqan kisiselapayan a uri tja kicevunganan.

izuwa tu ita vengin, semenasenay a vulung i pasulaulauz ta qinaljan, maya tu kinabulay a senay, matu ika nu i kacauwan a ljingaw ta kinasaceqaljan na sisenayan nimadju. tjelu a qadaw a vengin a semenasenay timadju, katjemekulj ta tanicuyuan magnetjez a luni a mezangal aravac maya kinacuway, naselapay atja sikataqaljan ta linuniyan, matjaliyaliyav a umaq a namaipuq! kemasizuwa kemeljang anga a caucau nu semenay azuwa a vulung, mavan a paljayaljayang tu izuwa uri tja kicevungan a paulan. izua kaita qadaw semenay a paumalj azuwa vulung, pitju a qadaw a vengin a semenasenay ika pusaseketjan, mavarung sa maqutjav a tja sikataqaljan neka nu ika nakigagalj tua caucau anga, a kimakuda ayaya. kasika taqiljas ta sinnayan na qatjuvi mangetjez a vali a qudjalj a namasi zung kata celalaq, matu anema a gamageljegeljengan, maljiyaljiyan a ladjap, manu madjameq ta ladjap azuwa kasiv a kinaizuwanan na vulung, sa kaljama a patje qapulu.

patje tucu titjen a kacalisiyan tja kinaremutjan sakamaya a vulung, patje tucu nakisumalji a tja sipacunana ta vulung tua zuma a qatjuvi!

遙遠的山上，有條神奇的百步蛇，它有三個家。第一個家在北大武山下的南方，是發源地。第二個家位在部落的下方，是最常出沒唱歌的地方，第三個家在部落裡的mamazangiljan家。

靈媒聽到百步蛇的聲音，會祭拜大武山神，想要知道將發生什麼事。有天，百步蛇在部落的下方發出好聽的聲響，像是在唱歌，連續三天三夜，部落大地震、損失慘重。有次唱了一個星期，一個月後下起大雷雨，閃電打在大樹上，燒得精光！排灣族人看百步蛇都異於其他蛇類！