朗聲四起

aicu a pinui’inaljanan a sinan kakudan tua ’iniladjan nua sevuculj, mavana sangasangasan a aljak a tjemalevak tua ’iniladjan i ’inaljan katua kinitjuayan na sevalitan, ipu u’aljai ipu vavayan, kana vusam timadju tjara makaya temalevak tua kinitjuayan, ngadan nua uma’ kata ’iniladjan I’inaljan, makeljang tu aicu a sevuculj mamav a sipacunan tua vavayan kata u’aljai, aicu mana sikizengezenger nua sevuculj a cawcau.

aicu a kakudan na sevuculj mavana aljak a sangasangasan mana pitjuma’en a pa’iladj, kemasita vunglai a sangasangasan a pacun ta ’adav a aljak mavana uri pitjuma’en a masan vusam, au kana vusam sun tjara tisun a temalevak ta kikavecengel kata ’iniladjan i ’inaljan nasu sevalitan, ipu u’aljai ipu vavayan. aicu a kakudan na sevuculj, a vavayan a pucekelj a semata u’aljay, a u’aljay kitarev a semata vavayan, kakudan azua patetucu na sevuculj.

au aicu a sedravar maretimalji kata sevuculj a kakudan, tiamadju nu u’aljay a vusam mana makaya temalevak ta kinitjuayan, ngadan na uma’, ’iniladjan i ’inaljan na sevalitan, aicua vavayan a vusam neka inikamakaya temalevak, nu neka nu u’aljay a aljak kimana kinemnem anga ta vavayan a temalevak.

manasika aicua pakatua sangasangasan a aljak manamakaya temalevak a kakudan na sevuculj, izua masan tjelulj a napenakisumalji, a sangasangasan, napenapamav a sipacunan ta u’aljay kata vavayan na sevuculj, a u’aljay a vavayan makaya sakamaya masan vusam, manasika tjuruvuanga vavayavayan a nazemang itjuma’, kitarev a u’aljay mana vavayan a nadjemadjas ta kinacemkeljan. a i ’inaljan itua sevuculj tjuruvu angauta vavayan a mamazangiljan, namayatucu a napenapamav ta u’aljay kata vavayan aicua ’inaljan itua sevuculj.

a sipasan musalj, aicua pitjuma’ ta sangasangasan a aljak a temalevak ta nemenemang na sevalitan, nangua’angata nekanu marivurivu, namareka nanguangua’ a ta’alja’aljan. a sipasan tjelulj, makaya pazurung ta nanguangua’ a kakudan na sevuculj.

kumaljia maumaljanga tucu a zidai, aicua semanvusam ta sangasangasan a aljak na sevuculj a kakudan, patjetucu sipazuruzurung anan na sevuculj inianan kana maumalj.

排灣族的vuculj群的社會階層制度，是遵循長嗣繼承制度造成的。所謂的「長嗣繼承」即上一代的階級地位與財產均由第一個孩子繼承，不問性別，家族的財產、家名、社會地位都由他繼承，顯示排灣族對性別持平權的觀念。而排灣族的dravar群就不同了，他們是由長男繼承家族所有的財產、家名和社會地位，長女是沒有資格繼承的，除非沒有生男孩。

現代化的生活、外來環境的改變，雖已漸漸瓦解排灣族人的傳統文化，但這長嗣繼承的文化至今仍持續不變。