朗聲四起

aicu a ljautjia kata pairang nu papungadan tua tjausipualjaljak a lumamad ini ka pazangal, ayatua ljiavavav anga a vincikan saka liavanga a kingljang a vecik niamadju, au tucu anga izuanga uta maca’u a semupu tua tja ungmi, makaya itjen a sipili’ ta tjaljanangua’an a ngadan, manasika aicu a pairang madjuludjulu nu papungadan. ljakua tjitjen a kacalisian liavaravac a tjakakudakudan, selapai a sepaiwan, ayatua maretjimaljimalji a tja ’iniladjan i’inaljan, nupapungadan inika kina kama katua cemekemekelj a penenetj ta ngadan, mavan a mamazangiljan katua mareka cemekemekelj a maljavar, nu sinikaljavar anga nu pinakasedjaljep anga mapuljat mana sipapungadan anga. napenakisumalji aravac aicua sipapungadanan na sepaiwan.

aicu a tjaivililj tja pacunai aicu a sepaiwan tuki namakuda sipapungadanan ta tjausipualjaljak a lumamad. izua masanmusalj a sipili’an ta ngadan na sepaiwan, a sangasangasan malap a kemasi tua nasevalitan a ngadan, aicu a sepaiwan nu papungadan, teveljen a ngadan nua caucau katua ngadan nua uma’, pitjailikuzen a ngadan nua uma’, aicu a ngadan nua uma’ sinipukeljang tua ljemita paljingan a tacemekeljan, makaya itjen a kemeljang tu na ljayima ’uma’an a aljak.

aicu a sepaiwan namakeljang anga a ’iniladjan, yinikamakaya pavalitan a ngadan kata ngadan nua uma’. nupualjak ta mavana uri masanvusam itjuma’, nu u’aljai a aljak papungadanan ta na vuvu a u’aljai a sini patalevak a ngadan, nu vavayan a aljak papungadanan ta na vuvu a vavayan a sini patalevak a ngadan. a sepaiwan tjara pasusu sakamaya taicu a sipapungadan.

a sipasanmusalj mavana va’uan a vin’ac a ngadan, pacun tuazua kasipualjaljak tuki izua anemanema ipalingulj sa papungadani, ljakua inika tjuruvu amaya a namayatucu a sipapungadanan.

pai aicu a ti Dripun a ngadan, kasipualjak mangtjengtjez a dripung tazua, pai papungadanan ta ti Dripun aya ka’ivu a ramaljemaljen.

au aicu a ti gadu a ngadan, sinipualjak igadu, pai papungadanan ta ti gadu ayaza mareka ramaljemaljen.

aicua sepaiwan izua palisi nu papunagadan, a sangasangasan nu papungadan ikamakaya mamav a ngadan kata kina kama marekavetjek. a sipasanmusalj aicu a’e’titan ikamakaya papungadan tua na mamazangiljan a kaitjuma’an angata a ngadan.

漢人父母要為新生兒取名沒甚麼困難，因為教育程度提高，加上有命相館可以幫忙算到大吉大利的名字，因此取名比較沒有問題。但是原住民取名字問題就多了，排灣族階級分明，名字不是新生兒父母或家人可以決定，是由部落頭目和家族一起討論產生，必須適合嬰兒的身分才可以，這對漢人來說應該是很稀奇的。

排灣族對新生的嬰兒取名字的方式：

第一是取自祖先流傳之名，排灣族命名的原則是「家屋連名制」，即族名後面加上自己的家屋名，每戶都有自己的家屋名，家屋名是世襲的，是每戶人家的表徵，可以清楚辨識每家的孩子更是階級身分的代表，不可以隨意更換的。