朗聲四起

Ihaan laupaku minmamakklang diqanin, minpakaliva inqumisan, antahan makazhhavan mindanumin pav, ihan itasipal dalaq madungdung sunmangang mingna mutuszuq tasa luak, maszang tuza ihapav dalaq kananak maliaskaz kanasang ita ki! duqi niang ata laupaku tana tu na masikua, uqaitu maki niata minsanmut kukuzaun, tasbanin tas-a saba qabassin, imita inqumisan hapav dalaq, na dungzav in askaaun minkulali!

Paqpun, haip tu qanian iti aak taqu mamu, makuaq ata minuni masasaipuk? manaka saininuan a haiza tu hima sindailaz.

Taismi tas’a, pisihalun mapavaz a sintakunav. maqa haqil a paihanun padangin haqil ta, maki kalasu a paihanun padangin kalasu ta, nanutu asa kapimupaun nitu maqtu tisuni kapisingan qalmangun nin matakunav, maki nii ata kapimupa sinpalatuza a minqalmang sintakunav minmadia, paqpun na imita inqumisan dalaq kasalpun miliskin!

Taismi dusa, maki maqtu tan-anak a tananaka, katu sisdang tama tina amaun munhan kaku. maqansiap as? amaun ata tama tina mita sasatun munhaan kaku pinsuma tuza dusa tutikis matiun qan-num qusdul, duanang tuza muaz tatini bunun, diaqi dadusa bunun, tas-saba ta, dusa-saba ta… maki anpukunin a dungzan in na minqalmang!

Tanakin vaivivaivi tu sinpabazbaz, duqi asa aupa aas maszang aak minuni malkasia malqaqaipu, miszang amin malqaqaipu atusqaingung ita tu maiqudas? madaidaz ata inqumisan hapav dalaq ti, nii ata umuaz qalmangun sadu, ihaan ata madaidaz inqumisan hapav dalaq tu, asa amin mapiszang madaidaz imita minkikingna, maqtuang imita minkikingna ihaan maningzavan malisiahal miqumis, tuqumis amin takilaupaku miniqumis, siin imita minkikingna maqtu kapimupa paitu hima sinpatumantuk a iliskinan, malinaskal minuni malqaqaipu!

暖化嚴重，溫度異常，北極冰層融化。再不採取行動，在一百年後，我們的地球，將變得如同廢墟！提供如何做個環保小尖兵的建議，你是否也想和我一樣做個環保小尖兵？我們愛地球，不只是這麼簡單而已，在愛地球的同時，我們也愛到了我們的後代，使他們能在這片淨土上無憂無慮的生活著，我希望現代的所有人，以及我們的後代子孫都能秉持信念，快快樂樂的做一群環保小尖兵！