朗聲四起

a hareman kani punapunan matemuy za padawak makaiyaiyan ziyan a pa’a’ilring, mawmau nu ’azi arekez ta nirangeran zi marayas puwapuwayay na ka’elralrepat i anger, muramawan za dalikedika ku kema tu pa’elangan, zi temalram semirep kana padawak. kazuwan na muelep kiatrevung kana kingsas na trau, anu mudulram ziyan kana padawak marenger za meratra’ za padawak mu, aramawana kakuwalengan za marakakuwalengan meretra’ ini na lremak.

nantu resaresan na padawak mu, sazu, nantu pinaresaresanan na kirekamelri nazu. nu maw ziyan atalram semirep kana padawak salaw dalikedik za makasaleman. tu katemuyay za talrimayan a trau, zi muvasuk semangal tu anger. aramawan nu malremes nantu kezang na padawak mu, payas marulrazam za ’azi dalikedik apelr sipeleng tu anger. iniyan za kezang nantu zazek, nu kemakuda za eman ’azi penatezelr.

nantu pakakuwatreng na padawak za zazek salaw ma’izang, pakakuwaatreng zantu iyavavak na zazek, ta paruwalruwanay mu, sawariyan tatelraw na sinirepan kana Ktaming mu, muwadaway za nanayan i aisi’an. ’azi maruwa semeput kana isi’. na marapakirev mu, maruwa pakakuwatreng za singkēc. iniyan za kezang pakasa za anger, muvasuk na mapawpaw mapungaw. pasasevang kinger za eman, ’azi maruwa demikedikes maranger lra za venavutrung i anger.

hareman na padawak muwasavak lra i takesiyan, ulra na trau na menaniwan. pakalrangany zantu semangalan tu anger na temakakesi, pa’ilringay semirep nazu, kemezekezeng pasirep nazu. anu manadam lra mu, tu paverayaw kana zuma na temakakesi. semeneng maw na kemani kemaya ta, nu ieman lra na trau ka’azi’aziyan mukuwa demuluwa patalram kana padawak, zi ipasasevang elra kituluz kana zuma na trau zantu iveray na ’a’auwan na zanum zi na dinaway za padawak na walur, maw nu mutani lra kanini na padawak, tu padawakay na katratrau. iniyan lra za kararuwayan meretra’ venaaw zannu kinatrawan lra. merengaya ku ziyan parasan, iatralram mekan zu padawak!

社充滿毒品誘惑，一旦染毒想戒除，是件難上加難的事情。毒品剛開始讓人精神百倍，產生幻覺，毒性一旦消失，無法正常作息，對身體的影響很大，會毀壞身體的器官，例如：長期吸食K他命會造成小便失禁，更嚴重的是會破壞我們的神經中樞，無法集中精神，產生幻覺、幻聽，無法控制暴力傾向。

毒品已入侵到學校，毒販引誘學生吸食，絕對不嘗試，也不隨意接受，免得毒害人生，永無翻身之地。