朗聲四起
ini na inavuy na kinakuwa mu, nintaw aekanan za Pinuyumayan a marapazangazangal na akanen, zi pakamelri ulringulr nantu vali a dinaderu. ulra a zuma na zekalr a “ vinariyaw ”, “ inavuy ” kema, iniyam na Tamalrakaw mu, a inavuy kema mi, i Tamalarakaw nu karawakan zi ’amiyan mu, nu penalalisi zi nu ’amiyan kazu a semasaharan, mawmau ini na inavuy na ’avay nanta akanen. a Tamalrakaw a aidan ziyan mu, nu meredek na ’amiyan, karawakan penalisi pituwa wariyan, ’azi ta ’a’azi kurelrang mapiya kana kakudayan ziyan kemani na wariyan. ’ema’avay kana inavuy, ’alra nu kemakuda i palakuwan na zinekalranan mu, mavangavang za kiyakarunan i zekalr. iniyan za wari mekan zi mekan kanini na inavuy na ’avay pu’av za tiyalr. na pametratremetr kana inavuy nu melaliputr mu, ulra na zuma tu pametremetray za unip, radis, saytaw, kusay. ulra na zuma tu pametremetray za ’alum na lriyung. na kemani mu maraimaramaran ulringulr. nu demadaway kana inavuy ’azi’a’azi miturus zantu kuret na laliputran. semavesav kana rengas, lavilru zi trava’i na puran ta sasilra’aw vetatevet kana niliputr na ’avay.
月桃粽是卑南族傳統食物，為小米收穫祭典中重要的主食。早期收穫祭七天，因忙於祭儀都待在聚會所（巴拉冠），以「inavuy」填飽肚子。
食材為糯米、香菇、花生、蘿蔔絲及韭菜等，製作順序，如：洗淨備月桃葉、甲酸漿及檳榔葉鞘當繩子。將糯米泡水再磨成漿，裝布袋用重物壓，形成糰形的糕狀。將米糰經過搓、揉，分成小塊，內餡包鹹肉，香菇，韭菜，揉搓成長橢圓形狀，再用甲酸漿葉來包食材，放入蒸鍋蒸三十分鐘，放涼後食用。