朗聲四起

Sapah rudan ncbeyo nii, ini pntena sapah gaga ta niqun saya. Anu ini pntena ka snlmeyan daha duri, ani kana qyqeya sapah truma duri, ini bale pntena. Anu wada ini pntena kana kndesan saya duri.

Saya de kndudun malu ka snalu daha sapah nii. Cbeyo de, anu meniq dgiyaq ma uka bbrigan kana qyqeya sapah ka cbeyo. Kiya ka qhuni idanaq hneru dgiyaq hiya ka ngalun daha smalu sapah. Uka kana xiluy ttingun daha duri, wano bale qwarux ka bkeyun daha. Malu bale sapah ka snalu daha nii, bsiyaq nniqun ma ini qnaqah duri.

Sapah snalu rudan cbeyo nii, qhuni eruc daha ka qhuni qnabil mkere ka pheyun daha eruc, mntena ka so tgebin, qulic, raus, cakus…dnii. Ado so qhuni psaun qnabil de, ini huwa ka kiya mesa, ani naq qhuni mmhemuc de, ini huwa mesa.

Cbeyo duri de, smalu daha ka qnabil sapah nii, kingal de tneluw nanaq ka qnabil sapah nii. Tgdaha de, gtuun daha ssiyo qnabil sapah ka qhuni duma, ririh so gtuun qhuni pthuun ka kiya. Dungus na uri blequn daha ka mtbeku hiya, kiya ka ini so pkrudu bebe sapah ini psetuq pthuun mesa. Tgdaha de,So pkmalu qnabil ini so sqyexi ma, muman dnoi pksaadux qnalan daha qnabil sapah nii mesa.

Sapah rudan ta nii, niqan qlqahan yaani teru dehuk sepac hari wada sapah truma. Mlmelux kingal bale qtaan sapah truma, ini salu qnabin sapah truma cbeyo, asi mlmelux kingan bale. Qlapo tama bubu ka narac icin de, thngali irling de qlapo paru hari, tqiyan laqi ka hiya, anu egu ka laqi hayan. Cceka na de ceka dheran, hiya ka saan daha tloung so theyaq rmengo kari. Daling tqiyan bubu hiya ka rqeda, ado malu ssaan mmiyak pure peni. Niqan nanaq ka paga psaan qyqeya na tama duri, daling naq tqiyan na tama, anu so malu ngalan na tama peni. Niqan naq ka qyqeya na laqi duri, psaun daha paga hiya, daling naq dheya duri, anu malu ba ngalan hayan.

傳統屋、造屋技術、使用的器具不同於現在的房子，製作梁柱需使用硬質的木頭，像櫸木、杉木、青剛櫟、樟木…等等，而堆砌在牆壁上的木頭則用一般木頭。依主樑的順序堆疊的主要牆壁，四周綁上小樑柱，可使牆壁間更堅固。屋頂有兩種製作方式，使用白茅草或石板。

傳統屋有3至4個台階往下可直入客廳，左邊靠牆是父母的床，另一邊則是孩子的床。客廳是聊天的地方。靠近母親床有三角石頭火塘用來煮飯做菜，而靠近爸爸睡覺的旁邊是架子。