朗聲四起

Ciida, mesa ka tama mu “ Pawan nita mkkesa tikuh baro gaga mesa. ” tmiyu dgiyaq baro ka baga na. Ini ku kela mesa maha hmuwa duri, smnegun kunaq bukuy na tama mu. Bsiyaq name hari mkkesa ma, niqan kingan behin biciq ma cmucac ka berah nami. Nglun na napa na tokan ka tama mu, qyanun na ka paga baro hiya, mangan putun ma mtahu pniq rqeda hiya. “ Hai ku ngaguc hayan. ” mesa ka tama mu. Ini qbsiyaq de wisu dunganl. “ Nita Pawan ” mesa ka tama mu, smnegun ku naq bukuy na dungan. Kela naq maha smqetiq brhengin. Egu ka pnaqan na de, spuun na ma bkeyun na denu. mapa miyan pnkingan pnuupu na brhengin ma dumoi kingal pnupu na ka baga na tama mu nana.

Kela na naq pmuman brhengin dnamux hiya. Anu ado bsiyaq ini niqi di, niqan beling qtaan dnamux baro nii di, ye mngungu ado qmuyux de, maha chebuy behing na truma denu, hudriqun quyux ka lukus meniq dgiyaq de maha kndudun msekuy ka hei denu mesa. Kiya ka ssaan na muman brhenging ka dnamux na.

Mhedu nami pbleyaq mubun ka dnamux de, ini bale ksange ka baga na tama mu nana. Desun ku na skadi btakan sekuy ma qhuni slmeun na tlenga icux, meyah name dehuk behin hini de mkeeman hari di. Kika mosa ku dmayo pure tikuh ido ka yaku, gaga naq smalu qyuqeya desun tmlenga kusun ka tama mu nana. Egu bale ka tlengun nana ka tgkingan ali meyah dehuk lmiqu hini.

Nii ka ali tgkingan meyah ku smnegun tmlenga ka tama mu, egu bale ka wada mu klaun dmayo meyah tmlenga dgiyaq hini. Kndudun bale keeman ka karac nii, kibale ini hari tehei ka doriq mu duri, muku ku taqi ma, tqwilaq paru ka pngerah gaga karac baro, kibale dheya ka gaga kmlawa yami “ bleyaq mtaqi keeman nii ” mesa.

有天，父親手指著山頂說：「Pawan，我們到上面走走。」我跟在父親的後面走，走到一個獵寮，父親將背籃掛在架上，就往外走。沒多久，他帶著我去砍芒草後，揹著芒草回獵寮。芒草是要補充久未居住的獵寮屋頂。修整好屋頂，他帶我去找箭筍及製作陷阱踏板的材料，當父親製作陷阱用的工具時，我則煮晚餐。飯後，我幫忙搓苧麻繩。這是我第一次跟隨父親來放陷阱，也讓我學習如何幫忙來放陷阱。做完準備工作，就在獵寮中休息。