朗聲四起

na lralrakan na mainayan kadri Puyuma. an muketrep misama dra druwaya, dra tuluwa tu ami i, muisatr i trakuban. nenema ami kipatakesi kipaladam dra kakuwayanan kadri trakuban. tuluwa ami kana maranakan aw tuluwa ami kana maradawan.

na amau driya uwaisatr i trakuban i, a “ngaungaway” kema. aw tu kiyumalray kana maradawan dratu ngalad. tu ngalad i ruma i “Sunuda” an kema. “Sununadan” kema mauaw. na uniyan dra ngalad dra tinarapuyuma i, tu kiyumalran tu ngalad kan temuetaw na mainayan. i Gilrasay tu ngalad kan temuetaw na mainayan an kema i, “Gilrasaynadan” kema mauaw. an uniyan dra pinungaladan dratu maidraidrangan i, tu pungaladay lra kana maradawan dar. na musabak driya i trakuban na lralrakan i, mingalad peniya dratu ngalad i trakuban.

na ngaungaway driya i, sadru tu ladaladaman. tarekilangetringetri kana maradawan. tu kadradruwa ami i trakuban i, a “talibadukan” kema. ulraya lra tu tinakesian tu kinalradraman a saima. amawna, a “maranakan” driya. aw an adri maruwa pakurenang dratu pinaladam kana maradawan i, tu langetriaw dar. tu katatelu ami i trakuban i, a “muwalapus” kema. amau na maranakan driya.

南王部落的少年到12、13歲時，就會進到少年會所，接受六年的技藝和德行教育。

剛進入會所的少年稱為ngaungaway，學長會詢問他們族名，族名是Sunuda，學長就會為他們取名Sununadan。如果父母沒有為他們取名，會問祖父的名字，祖父的名字叫Gilrasay時，就取名為Gilrasaynadan。若沒有名字，學長就會為他們命名。進到會所裡都要以會所的名字為名。ngaungaway階段什麼都要學，更要接受服從式訓練。

進入會所第二年是alibadukan，已有些許學習與訓練，但仍是少年期，若學習趕不上進度會受到體罰。

晉升之後稱為maradawan，成為maradawan後的兩年沒有特定名稱，只謙稱自己sinaluun。成為maradawan的第三年晉升為tinumaidrang，即少年會所的領袖與長兄，開始準備要認教父成為準青年miyabetan，成為準青年miyabetan後，就進入palakuwan隨兄長長輩參加狩獵活動。