朗聲四起

lalu mu ku Cipolin, naarin su mahbu kun ga kya ku inlungang na gaghap sku ramux mu, miki manbhag kun i kaal. lumanlun kun mha maki i kal ru makatuhon mital ga kiy maha nanu. mana’arin kun manaxaliq gumlu su c’sunci, musa babaw na kaal talan muku unuyan mu i qyanuxan ka rawq, blaiq mu laku manbhaw.

tiku aruwa ka mapusan su kaal ga, manququ kun i pa’syasin sku ququn na Taiwan. kya ku rahuwan ka inlungan mu ka sapiyan, si’uwah i kal i pasyasin. naki kun i malax su waw laga patawaway ta la mha ga, ini kabalaiq sqang ku hihi ru rawiq la, kiya uwy ku rahuwan na baru’ quga baihu, rumuru kun nababuy pa’syasin. maspatul cu mapitu ku kaal mu lga, malax kun su waw la ru, asi kaqutux sku waw hany. tiku mamaty na waw hany, siqihun mu su tugal su kal. naki siuwah sku rawiq ru inlungan naku itaal, mitaal sku magbatunux kinku mangilih na Taiwan.

magbatunux subalay ku Taiwan! mamatasiq ku raragiyax asyga pukay ku gawng, ubuwan nya ku rawiq kinku wasylung. abuhan na qusiya ku siyaw wasylun, naaring su kibakisan ga iqaat minsiputin ku hanang. matawawilak ru taqayaw i wasilung ku wagi, manhahiyu, ukas tikay ku hanang.

kiya uwy ku pinkahuwah na aqih kaal ru itaal. putuun laku qaqahuniq i raragiyax, pamua’an su pinnang. kihuwan na kwaisu ku ragiyax, sikabalay su bunaqi. suuragan ku qusiya, pasihuban ku qusiya i iq… payux ku manananak, talan ga sika’aqih na kisliq.

muwa na payux tikay ku magbatunux, mantikatikay ku mahiriq. aqih na kaal ga ini baqy panabaq, pakahuwah ku itaal ga baqun panabaq.

kiya sku siyasin ku maqisu ka yapilung na kukuy, tiku inlungan mu ga, nabalaiqun malahan ku Taiwan maha. galgaiy ta ku yapilung na kukuy ru sku inlungan, nabalayqaw ta malahan ku taiwai, talan ta ku Taiwan ga, tatalan ta uwy ku pakablaiq na qinqyanux ta!

齊柏林從小嚮往飛行。第一次飛上雲端，看到生活的土地，更愛飛行。空拍影片，讓觀眾看見臺灣的美麗與哀愁。山巒青青，縱谷深長，河流連接土地和海洋。海浪拍打海岸，陽光在海水中閃耀，由於樹木被砍，河流被汙水染黑，地下水超抽而地層下陷，雖擁有世界最大的火力發電廠，卻也帶來大量的CO2排放。

天災不易躲，人禍可避免。「呵護我們的土地，土地才會呵護我們的子孫。」循著腳印把家園變更美好，才能看見臺灣的同時也看見幸福。