朗聲四起

Kingal hngkawas o niqan spac klgan karac. Kingal o meuxul srnabaw, kingal o mcilux rbagan, kingal o pskriyux wasaw pusu qqhuni krpuhan, kingal o mskuy misan. Ida niqan nanaq ririh dha mniq babaw dxgal ka spac klgan karac nii.

Karac srnabaw o ida kuxul bi ana ima, yasa emprajing muxul ka karac da. Babaw bnruwa ka karac do mtutuy kana ka dpeudus knglangan da. Dungus mhru ka pnegalang seejiq, tmbabaw ka pusu qqhuni ni sspriq, tmphpah ka dphpah uri da. Manu ka mnsblaiq mtaqi ssamac o tutuy kana ni meiyah nganguc ni miying uuqun dha.

Karac rbagan o ida kuxul bi lqlaqi alang dgiyaq, yasa tduwa musa tmapaq qsiya ni hmrapas yayung da, lqlaqi mniq alang breenux o musa tmapaq qsiya snalu langu kiya. Ida mabang malu ka musa tmapaq qsiya yayung wah! Yasa llabang bi ni bbaraw bi ka ssaan tmapaq qsiya yayung, niqan nanaq ka eleelug qsiya, niqan egu klgan bbtunux, niqan gtuun hagay uri.

Tduwa hrpasun ka babaw hagay, tpaqun ka qsiya yayung, tduwa qmraq qbowlung ni kmarang kska qsiya yayung uri. Nasi musa tmapaq qsiya yayung o asi ka thiyun mbbiyah uxay uri o thiyun tama bubu musa, ini srwai murux nanaq musa yayung ka lqian. Yasa ini qlahang do dsun yayung qluli da.

Karac misan o mskuy balay, sbiyaw balay han o ida mtucing huda ka alang dgiyaq daya, uxay uri o msipa ka nganguc sapah, maku psngayun kana ka qqpahun qpahan. Mnrngaw ka rudan alang, “ida mskuy balay ka karac misan seuxal, mtahu ni malah puniq kana ka kngkingal sapah wah! Neuxay cikuh kncilux puniq ka pskmuxul hiyi seejiq sbiyaw! ” Mlutuc rmngaw ka kingal rudan duri, “mowsa nami meuyas patas sapah pyasan sexual o, ini kramil ka qaqay nami, madas nami tahuc puniq psaan nami ruwan ngaba miruku, plahun nami muda kleelug musa meuyas sapah paysan wah!” msa. Ida dsaw nii ka kndusan rudan alang sbiyaw, ini saw sayang niqan ana manu ni sblaiq bi kida.

一年四季。溫暖的春天、炎熱的夏天、為樹葉變裝的秋天，以及很冷的冬天。春天的氣候是人群、動植物最受歡迎的季節。春雷過後，動植物都甦醒、農作物冒出新芽。夏天是小朋友的最愛，可到河邊、沙灘玩耍、抓蝦蟹。秋天漸漸變冷，適逢農作物收割的季節。冬天則是寒冷的季節，戶外的工作都暫停下來。

過去的族人，不像現在的生活便利。生活困苦，我們要珍惜所擁有的一切。