朗聲四起

Maku-aq tu bunun a Bununtuza kun a? Na asa ata tu saqaal tu mopa ta qan a ka Bununtuza kun. Ma-aq a Bununtuza kun a uka ingtuun a maszang duma siduq tu tangus ang a talmenduu in tu bananaz siin talbino-az in tu binano-az mapakaduu ka tudiip in mapasiza minpakatuszang. Ni-i ka Bununtuza mopa ta, ma-aq qabas a Bununtuza ka na lusqa ang a uvaz-aznanaz nait mas-anqantau qanpaat in a qamisan a issiza in i kamamastaan madaing a qamisan nait mas-anqanvau mas-anqansiva maqtu maqasmav kuzakuza tu uvaz-azno-az a pin-uni issia ta tu binano-az.

Sia tamatina ka kadangaz kilim i issia uvaz-aznanaz ta tu na minpakatuszangan, mopa madia sia Bununtuza ka samu ka, ni-i ka uvaz-aznanaz pakan-anakun pakilim i, biaq is lusqa in mapalasamu, madia in lopa ko ka mapalasamu ki pakan-anak in mapasaqaal mapakaduu, mopa minpakatuszang in.

Ma-aq qabas a papia ka sia binano-az a masituqas, mopa tupa tu madedaz dau malka-uni bananaz is madengaz a binano-az. Heza sia Bununtuza ka sepuk i ituduma bunun tu uvaz-azno-az a papadangi-un i itu-anak-anak tu uvaz-aznanaz ta minpakatuszang is madaing in a uvaz-aznanaz a; Heza amin a tupa-un tu luslusun, ma-aq is mataz a tuqasnanaz a luslusun a issia ta binano-az pin-uni issia nobananaz tu binano-az. Heza amin a tupa-un tu mapalabaas, mopa ti tu, siza sia duma bananaz i issia ta tu tes-aanno-az, ma-aq is madaing in amin sia tes-aanno-az ta ka tes-aannanaz a, sibaas siza ki issia minmavala in ta tu uvaz-azno-az pin-uni issia uvaz-aznanaz istaa tu binano-az; ni-i ka Bununtuza sinalumaq i bananaz, sia amin binano-az a siza-un i bananaz. Ni-i sia Bununtuza ka binano-az maqtu mintemilumaq, nanu tu mesiqabas sia bananaz a min-u-uni temilumaq.

Ma-aq sia Bununtuza ka ispatingangaan i uvaz-az a kamamavevi salaz, ma-aq is tossus-an ang tosbananaz tu uvaz-az a ispatinahaan issia qudasnanaz tu ngaan matingaan. Ma-aq is tossus-an ang tosbinano-az tu uvaz-az a ispatinahaan issia qudasno-az tu ngaan matingaan. Ma-aq is tossuqna in a, al tupa tu tosbananaz tosbinano-az a ispatinahaan in issia tama tu tes-aannanaz tes-aanno-az matingaan, ma-aq is uka in a na patinada-an matingaan a ispatisuqis in i issia tina ulumaqun tu tesis-aan matingaan, ni-i tu qamqamun matingaan. Mopa ta sia Bununtuza ka ispatingangaan.

兒子十三四歲時，由父母幫他物色對象。女方能勤勞工作約十八九歲時，就向她父母提親。殺豬分肉一起喝酒後才完成結婚。新郎、新娘互不認識，婚後才培養感情。布農族沒有離婚文化，也沒有自由戀愛。

婚姻制度有議婚、童養媳、推婚、換婚等，沒有入贅習俗；女人不能當戶長。命名方式是生長子承襲祖父名；生長女承襲祖母名，弟弟妹妹承襲爸爸兄弟姊妹的名字。若有小孩未有承襲名，就承襲媽媽娘家兄弟姊妹的名字，不可隨便命名。