朗聲四起

talʉi to mameoi ho isi eʉsvʉta ’e yusunu, ’iyama ohola anana’va peistothomʉ ta cou homo homeyaya, homo peispak’i lea yainca yusunu, zouc’o sunu ’o ongkosi. isicu eʉsvʉta to mameoi ’ola hia mouyoyai to sunu ta cou, moc’o na’no sonʉ, zou sunu ho teesi ho i’o poepapunku, tuyu no mav’ov’o ’etee titha. ’ola hia mooyai to sunu, la mayo tomo toaesuesu ci evi ho skotacucunvi, tac’u skomaenvi ’o tena topco to ceoa, ’ola hia meoisi to sunu, la hʉsvʉta ’otee iachia paevo’neni, la bitesi to ngei to tesi teesi, mooyai to poepapunku tote seo’tʉi. ’o hia tacvoh’i to teesi, la hʉsvʉta ’o hia meoisi to sunu. maica isicu teoepʉngi ’e sunu, tec’u peela titha yusunu.

la’so na’no yupa einu ’e cou ta psoseongana, o’ala ’aʉnpʉnpʉ moteohcici homo nouteuyuyunu, ko’ko mo na’no kakutia ’ola hia somayanou ta cou. ne noana’o homo peispak’i to sunu la na’no yonto paeo’sa no meesi homo homeyaya, ’o haahocngʉ ’ola yupasuski yusunu, la to’seni ho poa mae’usnu to apngu ’o sunu, aiti ’omo atva’esi tmaiena’o ho sa’noi.

mo mainenu na a’a’ausnasi homo yusunu ’e cou, cila na’no hia peispak’ia homo homeyaya, ohela yainca to mamameoi, lasi ʉmnʉa to ba’eton’u ’o sunu homo tmaikukuyungu, la fihto hia tmaiena’o ho kaebʉ, homo kaebʉ ’o ba’eton’u, tasi poa soanono ’o nsou tamo cono emoo, la mioci aʉt’ʉca no ba’eton’u ko’ko la acʉhʉ yusunu homo homeyaya ne noana’o.

ta maitan’e, ’upena ’e cou ho mocmo ci yatayiskova, ihecu anana’va titha homo yoyaso ’e ’o’oko, honci o’te pa’cohivi mouyoyai ’e ’o’oko, uk’ana cimo meelʉ mouyoyai, ma micu’so sosonʉ ho moc’o mhino to isicu teoepʉngi ci sunu maitan’e.

’ola phini ci sunu, mo kuici man’i no mav’ov’o ’o hiasi mouyoyai, pantomo okosi pantomo meoisi, pantomo meelʉ tiskova ho isin’a poa tmaikukuyungu, na’no yonhu ho isi aiti, pantomo meelʉ muni ho isi poa tmaikukuyungu, ko’ko lahe na’no titha peispak’i ta ’o’oko maitan’e. 

ne noana’o, ohela yaeza titha peispak’ia ta ’o’oko ’o ploko, honci o’tena pa’cohivneni ta ’o’oko ina niala macucuma ne noana’o, anana’o o’ana tehe cohivi ta ’o’okoto ’emo maica ci a’a’ausna, ho iton’a cohivi teto toehungu butasva eʉsvʉta ta ’o’okoto.

鄒族陀螺構造簡單，由陀螺、線及短木棒構成。陀螺是由實心硬木削成圓錐形，線條由蔴絲搓成，長度看陀螺大小做決定。鄒族通常玩陀螺的時間都在小米祭空閒時間，由氏族男丁輪流將陀螺置到前方的篩米盤內旋轉，以旋轉的時間長短來犒賞。傳說鄒族米神喜歡陀螺旋轉的樣子，轉動時間越長，小米神越高興，就會賜給氏族更多福氣，所以各氏族在小米祭期間都會置陀螺，由於環境的改變，現在部落舉行小米祭時，沒有家族再玩置陀螺遊戲。