朗聲四起

Masa uvavazang kaimin, mais taunasian asinum tu minaun hai, kusia kaimin sia hudas banitul lumah tu sungus cia ta’aza mas itu mailantangus bu nuntuza palihabasan tu lainihaiban,mintun mais tahu mas mininpakaliva tu tai’azan, kaimin mais ta’aza hai itmantuk, mais nii hai makimpataz ma hahainan, mintun mais mapising a mata samantuk mas hudas banitul cia tatahu, mintun mais cimpising ta’aza, tuza tu uka saikas sia hudas banitul cia tu mahansiap daingaz mangit mais nihai kapisingun ta’aza mais tahu mas palihabasan.

Tahua huds banitul tu; aiza dau tasa a halua, isian saia sisila tu aul cia malanbasbas sa-upa-upacia mas adu aiza tu maz a namahtu mindangaz saicia latasban mas aul tu danum kusia tasipal cia, sadu saia mas muha has-has tu lisav, sihi, adu namahtu idadaza sia lisav sinmas sihi cia kusia Tasipal Cia? sadu mas matamasaz tu danum hai mapising, kukulkul, isain cia saia mahanivang a is-ang nitu haiap tu namingkakua.

Isian mas nitu haiap tu namingkakua hai, cisha nitu haiapun tu maisna isa sang-apav a tasa tu Sisiuh, izung-izung a tuhu kahuhuzas tupa mas halua cia tu; halua, nakuisa kasu? namakua saikin mahtu mindangaz masu? cin suu a halua antalam tupa tu; adu mahtu kasu mindangaz ku mapun sia Tasipal cia? Cin suu a Sisiuh tupa tu; mahtu, mahtu, na idadaza kasu sia inak tu iku, na amaun ku kasu tun-ap-ap sia danum masatu mapun sia tasipal cia, manaskal a halua pis-sauk tupa tu; uninang, uninang masu.

Cin suu a halua isnadaza sia Sisiuh tu iku cia, at tun-ap-apin a Sisiuh sia aul cia, manaskal a halua idadaza, kipapahpah, at kahuhuzas mapata’aza mas Sisiuh cia nitu malimadia cisha sisiuh tausiuh sia danumcia, tunghalili in a halua manghanu, tudip hai kaiva-kaivain in a halua Malala’la mas sisiuh tupa tu; i isa kasu? mintamasaz a halua vistu-vistu at minlangat-langat mina sisila sia ismut sinmas mahalivan tu dalah cia, sidaing sumbang tupa tu; uninang Tama dihanin tu sin-aluskun sinmas makit vaivi tu tamasaz, mahtuang saikin Mihumis sausia inak akas-angun, tu tasipalcia, tupa hudas banitul tu; kata Bunun mihumisang sia iapacin hai, asa tu mamantuk mais malkabunun, katu Mana-iva, katu mapalasmuav mamantuka, mindangaz mas mihdi tu bunun, natauhumisan mas Tama daza cia a tastulumah, Sin-mas mailalangna.

小時候，我們常到阿公家聽祖先的故事。阿公曾講過螞蟻與青蛙的故事：螞蟻想渡河卻找不到方法，不知所措。青蛙詢問是否需要幫忙。螞蟻希望青蛙能載牠到對岸，青蛙爽快答應，螞蟻連連道謝。牠坐上青蛙背後，興奮地唱歌拍手。快抵達對岸時，青蛙卻潛入水中，讓螞蟻被水沖走。螞蟻努力掙扎，終於游到石頭上獲救。阿公藉由這故事提醒我們：待人要真誠，不可虛假或欺騙；要幫助有需要的人，如此才能贏得信任與尊敬，也會得到上天的祝福。