朗聲四起

maSangay ila! yako ki minayti’ kamanra:an kinSiyae’ a tomal, yaba’ ki ’oya’ haysiya ’am matawaw. yaba’ Sa’, “ moyo roSa’ ray ’ima maSangay, ’az’azem naehan ’am kano’ kapatawawen, moyo ’aehae’ ’aehae’ ka:atani. So: ya:o matawaw lobih ray taew’an takita’ ila, nimon kina:at ka kano’? ” yako ki minayti’ ma’an tiSkobae:oeh hi yaba’ Sa’, “ ’a:ay! ” ’oya’ ray kabih ma’ somolong Sa’, “ moyo roSa’ kilwa’is ila, yami ’am rima’ ila matawaw. So’o ray taew’an kalahang mina hi minayti’, ra:am ay? ” .

ma’an ray ta’oeloeh ’i:zo’ ’oka’ ka hina’azem, minayti’ ray kabih ’om’omaybol ’iyakin ’am ma’az’azem, “ minatini’, minatini’ ’am nak’ino’ koma:at? ”, ma’an ’angangen! “ ’iyahimi’! nonak ’az’azem naehan ’izi’ ’aybol ’iyakin! ” minayti’ hihimi’an! nonak mari’ ka kina:at koma:at ila, ’okik honaehnge: ni minayti’ kayzaeh ila kina:at, ma’an ma’ kayzaeh ila kina:at.

ma’an kina:at hayza’ haseb kapatawawen. ray ’aehae’, ya:o ’am ray taew’an tomilhaehael hi ’oya’ matawaw. ray roSa’ ya:o ’am rima’ tatoroe’ ka lalangoy. ray to:o’ ya:o ’am lobih ray ’oes’oeso’an komita’ hi baki’ ki koko’. ray Sopat-- ya:o ’iya’inoSa’ kala ’ata’ ma’an ray taew’an hato taypae’, ray taypae’ hayza’ ’akoey ’ima ’okik hingha’ kapapama’an. ray haseb ya:o ’am ’omam’amoeh koma:at ni kamatortoroe’ bine:ay ka kaka:aten.

ni minayti’ kina:at roSa’ nanaw. ray ’aehae’ ray taew’an ’am homoba:ang ni minatini’ ka ’ima ’angiS kinmae’iyaehan. komita’ ka hini, yako sawa’ ila! ray roSa’ ’iya’inoSa’ ray taypae’ komita’ ka Sinpanan.

yaba’ ’inay kapatawawan lobih ila, komita’ niya’om ka kina:at, mayaka:i’ hi yami’ roSa’ Sa’, “ So: moyo roSa’ ray taew’an makakreng matawaw nimon nonak ka kapatawawen, ray minaSangay ta’araS ila hi moyo. ” yami roSa’ kinSiyae’ a tomal, ’sa’sa’ih ka hahila: mayna:a’ hi ’oya’ ki yaba’ ’am maSangay, sa’owaz! yaba’ ki ’oya’ maraS hi yami rima’ manmanra:an ila.

hini ’aehae’ ’ima ’inaro’ ka Sangayan, yami roSa’ kinSiyae’ a tomal, Sekla’ ’akoey ka kinra:aman, komita’ ’akoey ka ’ima ’okik hingha’ ka ’asang, ma’alo’ hi yaba’ ki ’oya’.

放假了！爸爸說：「你們放假期間想要做些什麼，一一列出來，我下班來看看。

我腦中沒有頭緒，弟弟不斷干擾我思考，被我罵：「安靜！別打擾我。」弟弟安靜地拿紙張寫了起來，沒多久我們都寫好了。

我寫下五項，一、我要幫忙做家事。二、我要去學（習）游泳。三、我要回山上看爺爺奶奶。四、我想去台北阿姨家。五、我要趕快完成作業。弟弟只寫了兩項，一、在家要畫哥哥凶悍的臉。二、想去台北動物園。

漫長暑假，我們非常愉快，吸收很多知識，也看見很多不一樣的部落，謝謝爸爸和媽媽。