朗聲四起

nu muwasavak u kana temuwa’etu’ na dekalr mena’uwa datu tinu’etu’an ni Haku ayawan mu, ulra na micepa mararengay pakadalram kanta kani Haku ayawan, na pananadam temu’etu’ na sinsi.

kemay lralrakan diya mu, misaharan lra cumuricuri pakavulavulay, kana adi pakauwa menadama zemenga adiyu diya, di kaytayan na micepa kana zemazenga di na pakavulavulay da dinawayan, semalra mau intaw na pasevasevang cumuli temu’etu’.

adiyu diya ulra a sinsi marengy kantaw da ’’pakaeman mukuwa ta kipanadam da zazengayan, pangecengec ta zemazenga di ta itulusay ta kinasahar, di ta pupanayaw ta inlrangan, ta piniangeran kema. kemadu lra puteha lra temu’etu’.

likudan lra pacepa kana Siyongse huwalang(雄獅畫廊), sahar kantu tinu’tu’an ni Haku, marekuret lra da paduru kantu tinu’tu’an ni Haku, kimirakad lra temu’etu’.

palru harem mulavat lra makaterun ’ami kemaku. nantu tinu’etu’an kinakuwakuwa lra, kemawan da mipalri kema na cau diya, di micepa kanta i Taiwan mukuwa i valrakalraka kana duma diya na kanatar marpakuwakuwa datu tinu’etu’an, salaw mulihu.

marengay i Haku ayawan mu, lralrak ku diya adi ku kasayhuwan mu’uma da re’a da taramunah, ku pakiyawanay peniya ku paisu, semalra sipun ku pakiriv, ku saduwan anger adi ku lra mupacacaran, arudun ku anger di ku pupanayaw kanangku lima temu’etu’e daku pakatulis kaningku kema, mau lra kanidu na kemedeng pureha mutuwa’uma lra tu kawang na tinu’etu’.

nahni na tinu’etu’an ni Haku ayawan mu, mau nantu kinirungec parepauwauwa tu pauwayan, na pinakavulay diya tu dinawayan mu, mipalri, mipiniangeran datu tinavawan na pinicaliyan na temuwamuwan.

kasaduwan na marekamelrimelri tu tinu’etu’an, ulra na karengarengac na lralrakan, ulra na mukerengerengec lra tu pinimudinganan na dawdawan, pakamelri kana vulay tu tinu’etu’an.

走進漂流木木雕村部落觀賞Haku大師的創作時，會有解說員介紹Haku大師是卑南族頭目。自年少，他就對美的欣賞，產生興趣，由於當時環境並不允許他學習美術，有一次與雄獅畫廊的一段邂逅，從此讓他投入藝術創作。

30年的經歷與雕工，一度轟動文界，也是代表台灣文化藝術交流的雕刻家。每件木雕皆是透過思考而蘊育的作品，他將先人的精神和木雕緊緊繫住。雕像有小孩童稚的笑臉，有婦人歷經風霜的臉龐，在細緻的雕琢下，呈現非凡的藝術之美。