朗聲四起

ini na valray na takakesiyan da Pinuyumayan kema mu, salaw padangal temakesi datu kapauwayan.

mau na kaduwan mi lra na ma’ulid kananta piningaiyan awlra di, adi ta lra maruwa mikinekaduwan da kure’avalr da mipiniangeran data kakuwayanan i dekalr.

mawmau maruwa ta diya venavalray data tinakesiyan na haremanan, ta kalrikeciyaw diya vanavalray di, ta patawalay lra venavalray kana pureasavak tu pauwayan pupana data pinimauwan i dekalr!

na pacilracilraw di na ‘imira’iraw i dekalr mu, mau nanta alruwan, ta alruwaw kanantu vinavatiyan di menadanadam ta venavalray nu kemadu!

kemani a venavati--

pa’alrup---- ka’amiyanan  vulrecaci’an lra na carevu, pakaahelr kana uraruma’an darinuma’enan.

tadaw---- idu na mitaadaw a! lralripit ku da hilrihilrican da pudadalanan.

na pararawa i Tokay----parepidapidan ta da masamasalr mutelak, adi puludus, karuwa ta kiresan da mipadangalan da rawa?

salaw vulay nanta dekalr,---- kamau tu kinalraman na temuwan.

tu sayhuwan semenay muwarak na wadi,---- kamau tu cungulran na nani.

ta ra’emecan piniangeran,----kamau na mitaturus ta kana temuwamuwan.

tu surimetan na vulavulayan,---- kamau tu ’uringecan na ma’inayan.

na semangal menadanadam,---- kamau na misadekuwan i dekalr diya.

nahni mu, mau na ilruwalru kana mare’ecevecev tu vinavati nupacilracilraw ta .

nu kapalalisiyan ta data ‘amiyan i dekalr mu, adikaadi semenay nu muwaarak ta, di nu piya ta semenay kananta kasenayan i dekalr mu, puludus diya pacilracilraw na ma’inayan.

「卑南文學」，難懂的課程啊！除了族語的困難為主因外，其次是無法沉浸在民族文化思維，只能以現代所學的呈現民族風情！部落古謠的短詩是學習的範例，我們就以吟唱古調的模式學習！獵刀：獵刀的主人啊！我將要為你展開披荊斬棘之旅。非常美麗我們的部落，都是姆姆的寵愛。能歌善舞我們的愛人，都是父母的遺傳。刻苦耐勞我們的精神，都是祖先的榜樣。熱情洋溢我們的姑娘，因為勇士的豪邁。樂觀進取我們的態度，因為部落處處是溫暖。