朗聲四起

ini na valray na takakesiyan da Pinuyumayan kema mu, salaw padangal temakesi datu kapauwayan, mau na kaduwan lra na ma’ulid kananta piningaiyan di, adi ta lra maruwa mikinkaduwan da kure’avalr da mipiniangeran data kakuwayanan.

mawmau maruwa ta diya venavalray data tinakesiyan na haremanan, ta kalrikeciyaw diya vanavalray, di ta patawalay lra venavalray kana pureasavak tu pauwayan pupana data pinimauwan i dekalr!

na pacilracilraw di na ‘imira’iraw i dekalr mu, mau nanta alruwan, ta alruwaw kanantu sasenayan menadanadam venavalray nu kemadu!

kemani a venavati--

pa’alrup-- ka’amiyanan  vulrecaci’an lra na carevu, pakaahelr kana uraruma’an darinuma’enan.

tadaw--  idu na mitaadaw a! lralripit ku da hilrihilrican da pudadalanan.

na pararawa i Tokay--parepidapidan ta da masamasalr mutelak, adi puludus, karuwa ta kiresan da mipadangalan da rawa?

pulihu da dekalr--

salaw vulay nanta dekalr, kamau tu kinalraman na temuwan.

tu sayhuwan semenay muwarak na wadi, kamau tu cungulran na nani.

ta ra’emecan piniangeran, kamau na mitaturus ta kana temuwamuwan.

tu surimetan na vulavulayan, kamau tu ’uringecan na ma’inayan.

na semangal menadanadam, kamau na misadekuwan i dekalr diya.

nani mu, mau na ilruwalru kana mare’ecevecev tu vinavati nu pacilracilraw semenay ta kakuwayanan.

「卑南文學」，對我們來說是陌生難懂的課程！除了族語的困難度為主因外，其次是無法沉浸在民族文化思維，只能以現代所學的思考模式由簡而繁的呈現民族風情！

部落古謠的短詩是學習的範例，讓我們以吟唱古調的模式學習吧！

就如此吟唱：

狩獵：冬祭，白茫茫的芒草花，催促著為祭典回鄉的族人。

獵刀：獵刀的主人啊！我將要為你展開披荊斬棘之旅。

都市獵人：要累積多少的失敗，才能獲取等值的獵物？

讚頌我的部落： 

非常美麗我們的部落，都是姆姆的寵愛。

能歌善舞我們的愛人，都是父母的遺傳。

刻苦耐勞我們的精神，都是祖先的榜樣。

熱情洋溢我們的姑娘，因為勇士的豪邁。

樂觀進取我們的態度，因為部落處處是溫暖。

以上是模仿部落傳統古謠對仗式的詩句，說出對部落的情感！