朗聲四起

tuy vinavalray na pinialrakan kana kemay varasa’ di na kemay vasikaw na mutucau na vativatiyan mu, kemani marengay na valray a.

“ na pinuyumayan masalu da, nantu temuwamuwan mau na pinialrak kemay varasa’ ” kema.

awac diya mu, kadu i Valangaw kana adalrep kana lrevek i Kacacipulr mu, ulra a varasa’ ma’ida’idang. ulra a saya wari, mupangca’ idu na varasa’ di mupacalan a sasa vavayan, ulra kantu tudu tu pinimacayan kema, di nantu dapalr  i likudan mu, venare’ kemawan da malii kema, adi sawaliyan mu, mialrak lra a sasa vavayan. di ma’idang lra ini na alrak mu, pacepa da sasa ma’inay a punapusar kana mulaud na danum, marekanadam lra mu, marekasahar lra di mareturuma’an lra, mau lra nantu temuwamuwan na pinuyumayan kema ini na vativatiyan na kemay varasa’.

na saya na vativatiyan mu, mau na ’’kemay kana mupangca’ na vasikaw tu temuwamuwan’’ kema.

a awac diya kema mu, kadu harem kani i Valangaw Tavuwalri kana adalrep i Biwa, mupana a sasa na palri a vavayan.

nantu lima i talawalran mu, miinava da saya varasa’, i talawili tu lima mu, midinikesan da vasikaw. idu na palri tu vulru’anay na varasa’ i dadare’ di, mucangkar na dare’ di munkun mupacalan a sasa cau, idu na cau mu, mau lra tu temuwamuwan na Valangaw, Amis kinuwa likudan lra.

idu na dinikesan da vasikaw na talawali tu lima mu, tu lesukanaydiya na vasikaw i dadare’, payas murengac na vasikaw i makaacas, di mupacalan na palri a vavayan sasa. i makalusu kana vasikaw mu, mupacalan na palri a ma’inay sasa. nani na daduwa na palri kema mu, mau lra tu temuwamuwan na pinuyumayan. kema na vativatiyan.

kema ini na vativatiyan pupana kana valray, aymu, adi kema naniyam dinekalranan i Kasavakan, lramu mau nantu dinawayan na cau kema naniyam dawdawan.

kema lra marengay kanta dinekalran mu, nu mena’u ta kana valray, adiadi ulra vinavalrayan da ‘‘kemay kana varasa’ di kemay kana vasikaw’’ kema ini na vativatiyan na piniyumayan a!

卑南族傳說祖先的由來，可分「石生」和「竹生」。

「石生」傳說：卑南族人相信祖先是由巨石裂開所生。

遠古時代，在台東知本海岸附近有塊巨石。一天，巨石裂開出現一名女子，她的眼睛長在膝蓋上，之後她的腳後跟腫大起來，不久生下一個女兒。女孩長大後遇到因洪水逃難的男子，兩人結為夫妻，他們就是後來卑南族的祖先。

「竹生」傳說：卑南族人祖先是由竹子所生。

遠古時候，在台東太麻里美和村處出現一名女神，她右手捧著石頭，左手握著竹子。女神把石頭丟到地上，土地裂開跳出了一個人，就是後來阿美族的祖先。女神再把竹子豎立在地上，竹子上節裂開，出現一名女神，下節也蹦出來另一名男神。這一對男女神就是後來卑南族的祖先。