朗聲四起
lrin su haw ka syaki valavalake madalame na lan ciyo, titinyani ka kyatobi nyane ’isadranga kosoipaepengala na solatiso laso doo mwa ’imalri. nikwani ka titinyane tyaki’ecenge sila patisekaseka’a nyane, pwaikay lrin su haw ane sana kica’owane pai’ngcege titangadrane.
kosoi’anini ’imalri ka ti’iti’canenga makasi ’asa siowanenga mwa takica’oca’oanane ’imalri, lapakeleleaa kica’owane ’abaili kake mati’awbo iya ’apobaka. sikivalavalake titangadranini kica’owane na lan ciyo, ko tisaseanininga kidredremini kica’owane, ka wadoo lrin su haw ane pata’adringi igo’o no ’imalrini ’angico’olo, kwamini no kopo’adringi myani no teele myani ka ko i’asoi’anini ka mati’awbo sawkoa. ko mwaninga na kokyobe lakamaninga ’atangadrane gako ko soi’anini. kosolatininga na daigake ka kosaigo’ini ’imalri ka lakadalamenyane ko taasini, wa meamece gako na lan ciyo soi’ane si’abake no ’imalrini doo.
sicogiyoninga na daigake ka lrin su haw no’imalrini na lan ciyo ka ikasolivate sawkoa. ko si kamolo na lan ciyo yanini ka ’amani ko tidike’eke’eininga, makisi ’ikay ni ’amolrika ka madraw sankoa na maigili ’imalri na lan ciyo. waigo’o ki lrin su haw ’isadraiya kake ’ityadradraw kisamola na coaw. nama’aka maomalini no nini ikaepengela ka wadoo na sana’amalri pa’ingcege, lapa’ingcege kendringi na bwatini paagele ’ikayini na zikang doomya takapaa ’imalri.
waigo’o ’imalrimya, tapasilikay nakay maolay ni ki lrin su haw, no ’acowaymade ka pa’ingcege kica’owane na sana’a dw ape, ki’adili, thikedremane.
laso kiigo’o kimade ka coaw. taigo’o kitaka singsi ka tyavavalake pa’ing cege boboo na sito na valavalakita.
林書豪從小熱愛籃球，在媽媽的要求下，他必須先完成功課才能打球，這也培養了他良好的學習態度與自律精神。他在球隊中勤奮練習，從不喊苦，高中成為主力球員，大學更帶領球隊表現優異。畢業後雖籃球路不順，他仍努力不懈、堅持訓練，把握每次上場機會。某次比賽中，他臨時上場助球隊逆轉勝，表現驚艷全場，受到全球關注。他的經歷告訴我們，只要肯努力、堅持到底，就能脫穎而出，成就非凡。