朗聲四起

U tadamaanay a serangawan nu Pangcah ku lalikid, u satataakay a lisin nu Pangcah ku lalikid. U mihemihecaan caay kanca kaira ku lalikid nu niyaru’, ira hen ku lalikid sisa masaniyaru’ hen ku Pangcah, anu awaaytu ku lalikid , malasawadtu kuserangawan nu mita u Pangcah.

U lalikid nanutu’as tangasa anini, ira haw ku nikasumad a makakinih,

1. misatipus-- u nu tu’as hen a nika’urip terungan haw tu sadak nu nikawmah, manay namaherek a mitipus, misalisin ku pa’uripay, hereksa a pakaen tu tu’as, misaliyut a misakeru, ma’ulah namitipus. Nasaan araw  masaniyaru’ a makumud a misatipus, u lalingatuwan haw nu lalikid kina lisin.

2.malalikid-- u selal nu mita u Pangcah, siwa ku nika tatungtungruh, ira ku niket nu kaka selal, mikuwan ku kaka a selal tu sava a selal, mitengil ku sava a selal tu suwal nu kaka a selal, manay a masakariyut a makakitikitin, a misakeru’. Malalikid hananay kalaw matiya anu milakec tu nanum a makakitikitin tu kamay, akaa’ kalikid ku sananay a madadiput ku selal.

3.Cukimisay-- tayni ku Ripun a mikuwan tuTaywan, makamelaw tu lalikid nu Pangcah, si’angi ku valucu’ cacay ku suwal nu tumuk, caay paculi ku selal nu niyaru’, makakitikitin paremiad, masalavii’, awaay ku tatudung tu ngeru’, kapakapah ku tireng, mitelec aca tu hawan, sakatalawansa a melawan. Suwal satu ku Ripun, ay! Tiya i sarahevar nu vulad a malalikid, kiya a mamelaw a pacamulan tu vavahiyan a misakeru’, anu vavainaysa sakatalawan, sasa militangalsa a melawan, mahaen haw ku nipisumad nu Ripun tu lalikid nu Pangcah.

4.Hung-ning-ci-- tayni ku Hulam a mikuwan tu Taywan, Hung-ning-ci hantu ku nipangangan tu lalikid nu Pangcah, tayni kami ira ku nipidiput nu Si-hu tu niyaru’, manay adihay tu kusadak nu nikawmahan, kapah tu ku nika’urip nu namu, a ira haw ku nipiaray tu Si-hu u sananay.

5.aniniyay tu a lalikid sulinay a lalikidtu nu niyaru’ a cacay a demak, nika aniniyay tu pacacamul hantu. Nika akaa’ kapawan tu sulinayay a serangawan nu lalikid. A ira haw ku nipatudung tu tu’as, a ira haw ku ngudu tu matu’asay, a ira haw ku nikavalud nu selal, a ira haw ku nipikitin tu wawa, savangcalaw ku radiw ku keru’, kulusid atu serangawan nu lalikid nu mita taheda’uc.

豐年祭是最重要的祭典，是部落農耕祭祀，軍事訓練，年齡階級，綜合性的娛樂文化活動，至今是部落組織的重要力量，至今是部落組織的重要力量。豐年祭也受空間、時間的演變。