朗聲四起

Itiya remiad, talacuwacuwa ci Yi-su, caykanca ’aluman ku miruyaruyay i ciraan. Ira ku cacay a remiad, tayra i tepar nu Kalili a banaw ci Yi-su, ’aluman ku tamtamdaw tayra masa’upu a mitengil, saka midakaw i lunan a maru’cira, temireng i lawac nu banaw ku binawlan a mitengil tu suwal nira. Patinaku han ni Yi-su cangra a semuwal tu masamaanay a demak. Suwal sa:Ira ku cacay a tamdaw, mangalay parasul tu ru:ma a mihecaan, tala`umah mibulesak tu sapaluma. Yu mibulesak satu, remakat a mibulesak tu i kapalay nira a sapaluma. Ira ku marasrasay i lalan a sapaluma, tangsul ira ku midudu a kemaen nu ayam. U ruma a sapaluma,(縮減包型) ira ku materakay i bekebekeluhan, si caayay kairebung, caay ka telung nu sera, lemangawtu ku sapal, nika caay ka kapah ku nikasilamit. Mapacidal tangsul a mabadi’. U ruma a sapaluma, ira ku mahetikay i sibadalay a sera, nika tarakaw kira badal, likecu caay kalemahad ku sapal araw mapataytu. Nika ira ku mahetikay i bangcalay a sera, tata’ak ku langaw nira sapal, salangdaw sa , saruhebic sa ku heci, adihay ku sadak, maherek a patinaku, liyawen naca ni Yi-su misapinang a pasuwal. Ira nibulesakan tira sapaluma hananay, u tudung a sera, nibulesakan tira sapaluma, u tudung a suwal nu kawas. 

U mabulesakay i lalan a suwal hananay, u mitengilay a tamdaw. Yu mitengil tu suwal, tangsul ira ci Satan a miala tu nibulesakan i tuhenian a suwal. Ira mabulesakay i sibekeluhay a sera hananay, matiya u cacay a tamdaw, yu mitengil tu suwal, tangsul a lipahak ku heni a pasuelin, nika awaay ku palamitan i balucu’nira, matiya salsal sanay a caay ka tenes. Anu ira ku labades atu nikaringes, tangsul a matulu’ ku balucu’nira. Matiya u ya pasuelinay tu ratuh nu wama a tamdaw, anu caay ka tesek ku nisimsiman , anu misu’ayaw satu tu masamaanay a katalawan a demak, tangsul satu a malasawad ku sapacuker atu sapakakilemel nu heni. Ira mabulesakay i sibadalay a sera, u matiniay a tamdaw, ira ku ngeru’ nu balucu’ atu ’anub tu masamaanay a mikecu tu nitengilan nangra a suwal. U mabulesakay i kapahay a sera, matengil nu heni ku suwal nu Wama, saka lemahad siheci ku suwal nu Wama a Kawas i balucu’nu heni.

耶穌講述的「撒種的比喻」，說明人們對上帝話語（道）的不同反應。撒種的人代表傳道者，種子象徵上帝的道。落在不同土地的種子，代表人們內心的狀態：有的被奪走、有的因信仰不深而枯萎、有的被世俗誘惑壓抑，只有落在好土上的種子，才能茁壯成長，結出豐盛果實。比喻強調聆聽與領受上帝話語的重要性，以及信仰需有根基，才能面對考驗並成長。