朗聲四起

Itiya remiad, talacuwacuwa ci Yi-su, caykanca ’aluman ku miruyaruyay i ciraan. Ira ku cacay a remiad, tayra i tepar nu Kalili a banaw ci Yi-su, ’aluman ku tamtamdaw tayra masa’upu a mitengil, saka midakaw i lunan a maru’cira, temireng i lawac nu banaw ku binawlan a mitengil tu suwal nira. Patinaku han ni Yi-su cangra a semuwal tu masamaanay a demak. Suwal sa:

Ira ku cacay a tamdaw, mangalay parasul tu ru:ma a mihecaan, talaumah mibulesak tu sapaluma. Yu mibulesak satu, remakat a mibulesak tu i kapalay nira a sapaluma. Ira ku marasrasay i tepar nu lalan a sapaluma, tangsul ira ku ‘ayam midudu a kemaen. U ruma a sapaluma, ira ku ruma materakay a sapaluma, ira ku materakay i bekebekeluhan, caay kairebung, caay ka telung ku sera, lemangawtu ku sapal, nika caay ka kapah ku nikasilamit. Mapacidal tangsul a mabadi’. U ruma a sapaluma, ira ku mahetikay i sibadalay a sera, nika tarakaw kira badal, likecu kira sapal araw mapatay. Nika ira ku mahetikay i bangcalay a sera, tata’ak ku langaw nira sapaluma, maru langaw nira sapaluma, marubic ku heci, adihay ku sadak, maherek a patinaku, liyawen naca ni Yi-su misapinang a pasuwal. Ira nibulesakan tira sapaluma hananay, u tudung a sura, nibulesakan tira sapaluma hananay, u tudung a suwal nu kawas. U mabulesakay i lalan a suwal hananay, u mitengilay a tamdaw. Yu mitengil tu suwal, tangsul ira ci Satan a miala tu nibulesakan i tuhenian a suwal.

Ira mabulesakay i sibekeluhay a sera hananay, matiya u cacay a tamdaw, yu mitengil tu suwal, tangsul a lipahak ku heni a pasuelin, nika awaay ku palamitan i balucu’nira, matiya salsal sanay a caay ka tenes. Anu ira ku labades atu nikaringes, tangsul a matulu’ku balucu’nira. Matiya u ya pasuelinay tu ratuh nu wama a tamdaw, anu caay ka tesek ku nisimsiman , anu misu’ayaw satu tu masamaamaanay a kakatalawan a demak, tangsul satu a malasawad ku sapatuker atu sapakakilemel nu heni.

Ira mabulesakay i sibadalay a sera, u matiniay a tamdaw, ira ku ngeru’nu balucu’ atu ’anub tu masamaanay a mikecu tu nitengilan nangra a suwal, U mabulesakay i kapahay a sera, matengil nu heni ku suwal nu Wama, saka lemahad siheci ku suwal nu Wama a Kawas i balucu’nu heni.

有一天，耶穌在加利利湖邊宣講，他上船坐下，群眾都站在岸邊聽講。他說：有一個人，撒種的時候，邊走邊撒種，有些種子撒落在路旁，很快鳥兒就飛來把它們吃掉；有些種子撒落在淺石頭地上，土壤不夠深，無法讓根苗生長強壯，或是發芽快的種子經太陽照射後，就被曬枯了；有些種子撒落在荊棘當中，荊棘長高後，幼苗無法生長；但有些種子撒落在肥沃的土壤上，這些種子長大結實，有好收成。

耶穌說：撒種之人所撒的就是道，撒在路旁的，就是聽了道，撒旦立刻就來，把撒在他心裡的道奪去了。這就像那些聽了上帝的信息，卻忽略它的人。撒在石頭地上的，就是人聽了道，立刻歡喜領受，但他的心裡沒有根。這就像那些接受上帝信息，卻沒有深入思考的人。當他們面臨困難，它們的勇氣和信心也喪失殆盡。

撒在荊棘裡的，就是人聽了道，卻被物質生活誘惑的人，他們的心充塞財富的野心和欲望。撒在好地上的，就是人聽了道，有領受，並且結實。