朗聲四起
Tata’ang ko tatirengan no lokdaw, tata’ak ko ki’mel ningra, hacikay a milaop to ’a’adopen, mafana’ mikalic to kilang, citalem ko wadis ningra, macidem kakaya’ ko kano’os ningra. Itini i lotolotokan i kasafaniyoniyot no rengos ko ’orip nangra, sahto o kalo’a’adopen ko kakaenen nangra, caay ka komaen to rengos ato papah no kilang, mikitata’angay to tatirengan a kolong kaenen nangra, komaen to tamdaw, tada o kakatalawan no ’a’adopen cingra, o tapang no ’a’adopen ko pinangan nangra.
Ira ko cecay a romi’ad, mi’adop to kakaenen kora lokdaw, pakarepet to cecay a ngarap, matalaw koya ngarap, nikaorira mafenek a somowal koya ngarap, “ caay ko mamaka:hi kiso a komaen i takowanan! nawhan, pafli ko tapang to sakowan to polong ’a’adopen itakowanan, ano kaenen iso kako i matini, o maliyangay kiso to nafaloco’an no tapang no mita, ano ’ca paka so’elin kiso to sowal no mako, kriden ako kiso a romakat, i ka’ayaw kako i kaikor kiso, nengnengen to paka’araw ko ’a’adopen i takowanan, ano ira ko caay kapilaliw? ”
Tengil han noya lokdaw ko sowal nona ngarap matamaay to sa, to’or sa ikaikor noya ngarap a romakat. Paka’araw ko ’a’adopen toya lokdaw, maemin amatalaw a lapekawpekaw saan a milaliw. Oya sa lokdaw caka fanafa:na’o cingra kokatala:wan no ’a’adopen, caayay ko ngarap ko katalawan nangra!
Oromasato o todong nona tinako a kitoh, o sapakafana’ ititanan , ano makera ita ko katalawan, oka ohotan a demak, aka ka talaw aka ka rawraw ko faloco’, na’onen misafaloco’ ko pinangan, misa harateng maanen ami ta’lif ami liyas to na katalawan, oromasato a sapaka fana’ ititanan, ano idahi kiso, ano citangal kiso aka pi samsam to tadancaay ato pakoyoc a tamdaw,ka’omi’ to cimacima, kasa sopadangpadang.
所有的野獸都怕老虎，牠們是萬獸之王。有天老虎捕抓到一隻狐狸，可是那隻狐狸非常聰明，狐狸騙老虎，如果吃了牠就是違背天帝旨意。如果不相信的話，可以走在後面，看看野獸們會不會逃跑。老虎就跟在狐狸後面，發現野獸們都跑走，不知道野獸們是害怕自己才逃跑，還以為牠們怕狐狸！
狐假虎威的故事也警惕我們，對任何事物要深入的觀察、思考，才不會被表面的現象所蒙蔽。