朗聲四起

Kakedengan itiyaho, to romiamiad i kakarayan. Ila ko ccay o wina ccay o wawa a cidal saan. Macedeng ko rakat no wina cidal to mihecahecaan. Ya wawa cidal sateruteruc sa sacikacikay sa. Awa ko tapinangan to rakat nira. Ini to nika tusa no cidal hiwawa. awa ko osi no fail pasicowa ko fiwfiw, awa ko ledu no tuem no ’orad sakaicowaaw. Suni mafudo’ ko rumiad, suni makedal ko niyaro’. Rawraw saan ko tamedamedaw a militemuh to lonalon.

Yanan a mihecaan, taangay ko piicang no cidal to hekal, alafin aawa sa ko cepa’, lafadi’fadi’(相繼枯委) sa ko rengaw mipalumaan, manikaw to kakaenen to nananomen ko tamdaw ko faofao. La^tangitangic la^lalinlalin sa to cahiw no tiyad. Oraantu i, papero’ ko faki no niyaro’, “ Ano cima ko pakalefisay to ccay a cidal i, ila ko tadamaanay a pakaulah! ” saan. Yakayak sa malusiyang kona suwal i niyaniyaro’an.

Ira sedak sa ko tatolo tanoktokay mihayi’ay mamilifet. Lafafa^fafa sa malalikel to wawa ningra, Si Aluciyap, si Kapitang, aci Tawiway. Pasiwali cedeng sa milawud to kahadakan no cidal.

Edeng kini alafintu ko mihecahecaan, malahad taakaytu sa Aluciyap. Ya wama nangra maliteng i, latuutuul sa malaetu’ i fatad no lalan. maharek a mitadem, pasicidalho a rumakat. Mangata mangata ko rakat to cidal faedet a faedet. Pinaaytu kaalafin tahiratu saakawangay a tukus.Toya piceleman no wina cidal, masefeng ni Aluciyap mipana’, koya wawa cidal i mata saan. Nika duka caho katerak. Miliyaw a romiad matakup ni Kapitang, aci Tawiway. Kasadak patatuul han nira mikutang, itiyatu ciyas ciyas sa mafetas mapera’. Sidsid sa materak ko ikay, i sakacowacowa no riyal malakitakit. Maedeng mu^tep ila ko tolo a romiad na tumerep ko rengreng. Ya kalitusatu ko fawafaw sa milimek i tuetueman.

渾沌世紀，天空同時出現兩個太陽。某年，太陽讓大地乾旱，植物枯萎，食物匱乏、飲水用盡，挨餓受苦哀鴻遍地。後來出現三位壯士願意挑戰，各自揹負自己的孩子Aluciyap、Kapitang和Tawiway，向東走向太陽昇起的地方。小太陽被埋伏的Aluciyap射中眼睛。第二天Kapitang和Tawiway及時趕上擲矛射去，經過13天漫天大火才停頓熄滅，剩餘的一半從此躲在雲後放冷光飄忽。

當Aluciyap返回已過60個年頭，人們見到返鄉英雄，歌詠他們、為他們舞蹈，大肆慶祝，幸福地生活。