朗聲四起

pyang blay tunux ru niya miru sku laygako te sazing na hakasi ru blay balay tunux i Hayung, bliy blay hazi ku kinyanux sali nya. mlahang rahu smento sali sa sehu pmahan ni yaba nya, rngu nya rmaw mlahang kinyanux sali, twangan nya pmahan nya ru musa mtyaw sku smr’yu syup na rahu smento sali, mpuw msyaw kayan pint’yagun nya hasa i niwan sa utux ryax ma. llungun muw kinbetux s’pila ni yaba muw, kyan tikay hngi muw ryax lga, mutuw kung musa rmaw smr’iyu syup ru pbuling syup sku rahu sali sehu, utux utux kelang halan myan kmagaw ru lmamu syup, m’buk balay ki.

kyan utux ryax, niya mlukus sa hbaw balay ru r’tung na yupun ku hiya, sruru nya traku cikuy ssyun na syup, mgluw la’i tikuy ru yaya myup sku erobeta. ini kbsya kylun yaya ku la’i maha “ klokah miru ki, nki su ini kbalung mama hani, nanak lmamu syup yuwaw ba’un nya, psiy su khesip krryax uzi lga, ana kyan s’uli niya ms’rux kya ga! spyangun nya kmayan uzi. ”

rngu nya smru inlungan nya ru tehuk sku hhalan nya kelang, rwanan nya cikuy traku mhtuw ru tgyah sa lihun kelang hasa, ga pskura nya la’i tmalung slhagun nya maha, “ mokih ”, klokah miru ru kngyat balay miru ki! laxiy balay kbalung kuzing, ungat balay nanu kinba’an muw.

ana n’inu ku pinmahan ga ini kusa blay isu hiya ru wawi pinmahan su hiya, atuni m’kuysang su, m’psba biru su, m’pklu su, ru m’toki su. pyux balay ku minspila naha pyanga sa pyux balay pila naha, habayaw balay maha kasa kwara lga, ima muas ptyaw pruru traku hmakut na ssyup lpi! bliy maha kasa pinmahan naha lga ya’ih tunux naha la.

yeku inlungan su nanak ga siki kngyasun su smru, atuni plmuh su ana rahu walax ru rahu rhuyan ga, ini ga mtt’it yuwaw ru zihung na yuwaw ga, laxiy inkuxiy. nanu tehuk sku mlhngan lga, llungun su uzi maha nanu ryax wayan hani, ru pmmlux inlungan ha ru plnglung maha sson ta nanu musa smblay kwara yuwaw hani la. ini ptna balay yuwaw uzi ku muwah smyeyuwaw ru smblay yuwaw ana nanu, nanu siki mglabang inlungan muwah smru ru psnanak inlungan uzi.

 

 

故事從Hayung這位碩士班的高材生，顧念爸爸工作辛苦，幫爸爸清理垃圾，分享職業不分貴賤，若每個人都在高社會地位的工作，誰來清運垃圾、修築馬路、種植蔬菜？中下階層的人，付出血汗勞力，才讓上階層的人養尊處優的生活！他們有什麼權利輕視中下階層的人？又有什麼理由認定他們是人生競技場上「失敗者」？

心志要堅強，恰逢遇到大雨及大風，或著是麻煩困難之事，不用驚慌，要勇於接受事實，到了夜晚可靜靜的想想遭遇的事情。