朗聲四起

Mahaipi ka bunun isvai ka tamasaz kuzakuza, aupa mavai ka ailmananu’an ihaan is-aang. Vaivivavi diqanin sinsaiv taiklas siin qansiap ihaan mita’an, haiza masaihuu makupunuq kuzakuza, haiza a masaihuu maku’ima, bantas siin hubung munququma, uka ka tupaun tu simaq a masihal, simaq a madikla; muqa pavaaz tu simaq a maqtu kuzakuza, simaq a nitu maqtu kuzakuza. Sikaupa nastu ti tu kuzkuzaun maqtu amin kuzkuzaun mita, muqa tu maaq a kastanun miliskin a, sia ki duuq i maqtu mita ailmananu’an saukanaqtung?

Maaq ata kuzakuza a sia sui ka kastanun miliskin, atikis sui tu kuzkuzaun aski’aun mita, sia madia sui ka kuzkuzaun mita. Qanglas mita madadaingaz ma’insun mita tu; asa tu malmananu, sintupa dau tu asa haiza’an ailmananu’an kuzakuza. Haiza ka bunun asa min-uni kumu-iing, a nitu malmananu vingkiu siking i kum-iing, aupa uka’an istaa ailmananu’an haan is-aang.

Haiza ka asa min-uni taisang, amuqais nitu maqtu sisasaa ihaan taisang a, panmisqang a misbu ihaan taisang, aupa nii istaa is-aang maqtu malsasaa saukanaqtung, Uka ata bunun asa makanmiqdi ihaan tastuiniqumisan. aupa namasaingu, namamuqu, namihalang tu maqalas. Ansasuu tu na’isqaqainan i bunun tu mataimang, nitu inisnava’an.

工作都是很累人的，但最重要的是能專心致力。有人想成為公務員，卻不全力以赴去讀書，因為他不是真的喜歡當公務員。有人入營當兵，卻無法承受做兵的苦難，中途打退堂鼓，因為他不是真的喜歡，不過是為了錢，羨慕別人能夠入伍而已。從前有二個萊特兄弟，他們想人可以和鳥類一樣在天空飛翔，於是他們開始想怎麼飛上天，專心一志，直到他們真的像鳥類在天空飛翔為止。

我們只要下定決心專心一志做事，總有一天你一定會成就你的事業的。