朗聲四起

Maisnahaan uvaz’az a, haiza amin imita tatinitini tu aikas’angan; haiza ka asa min’uni sinsi, haiza ka nami’uni taisang, haiza ka namin’uni sasbinaz, haiza ka namin’uni kanguhu. Aupa maaq a kai’asa’un mita a, maisnahaan amin imita tu iniliskinan. Tupa bunun tu, “ Makuaq tu aikas’angan a, namakuaq a iniqumisan! ” Aupa maaq mita iniliskinana haiza’an amin i tamasaz.

Haiza ihaan Tauluu tu pinatas tupa tu; haiza dau tatini bunun, masaisaq i valu ngul’a, napin’uniun istaa is’aas. Tis’uni tu nii aipa tispanu a, minsia tutupa ka isita sinkuzakuzaa.

Uka nastu ti kuzkuzauna mahaipi pisai’un, kapanu’un amin. Maaq i haiza’an is’aang kuzakuza ka, nahaiza tutupa misia tu qani’anan. 

Haiza bununa maqansiap vingkiu, saukinuzin a nitu minsia ka vingkiu’an, maupa ki tispanu aingka; masasiqu tu haiza bunun sadu’an tu taimangaz, a minsia a inaita vingkiu’an. Maupa ki nii aingka tispanu vingkiu.

Tupa Bunun tu madadaingaz tu; maaq ata tatinitini bunun miqumis nastu it a kangaa amin itu anak’anak tu ngaa. Aaupa nakuzkuzaun mita saumataz. Uka bunun maqtu maqalav isuu tu sinkangaa tun, uka amin bunun maqtu tunlusqu munhaan isuu ngaa maqalv isuu tu sinkangaa. Aupa maaq a ngaa una sinsaiv i diqanin, haiza ka madauqpus ngaa sinsaiv, haiza mapus’u, musqa tu anatupa tu makuaq suu a ngaa, napanatpuun tutupa mita ka ngaaa kuzakuza.

Maszang ata kalulumaq tu bunun, kangaus miliskin tu napikauq a lumaq mapinau’az matas’i ? Kamimisqangin a, pavaian i sui, pavaian amin qaimamangsut, haiza bununa isbu’an matas’i,  haiza ka palmaupaun a sinkuzakuza, apinsai’un istaa ka manau’az lumaqa matas’i.

Haiza dau qabasang tatini madaingaz ansaqan i dalaq ispunda ihaan mahukhukan a, musqain tutuza tas’a pungkii tu namatmuzin a, isbuan istaa mapunda. Paqpun maaq a mapunda ka a, maisnahaan isiata iniliskinan, maaq a misbu’ mapunda ka a, maszang amin tu isia bunun ta tu iniliskinan.

每個人從小就有志願；有的喜歡當老師，有人要做軍人，有的要當警察，有的喜歡成為護士。怎樣的期待，就過怎樣的人生！鐵杵磨成針，天下沒有容易的事，事情總是有困難，也會令人喪志。

布農族的耆老們說，每一個人活在世上都汲汲營營，沒有人會搶走你的進路，也沒有人幫助你走下去。因為這條進路是天所給的，進路的狀態無論如何，我們總要全力以赴完成。俗話說，那些到最後做事能成功的人，是那些不喪其心志的人。