朗聲四起
Tingmut pitu tukii pinuquun i tina, aupa tapusabaq aak, nitu mahiav minuqu, na’asang tutupa musuqais masabaq tutupa. Minqailasin a masitsit nipun taldaqis, musuqais munhaan sapalan mainuk ki hulus. Kankan i haqil, ispapatas siin patasan mapunkunbu kavang, nadasun munkaku’.
Tinpitu tu misqang, luklasin a tina tu maun paitutingmut; muskun aak tastulumaq maun. Sia tamaa masumsum matumasqing i Tama Diqanin, ansasuu tauqumis haip nakuzkuza’un zami. Tinvauin a, mama ki kavaang, mainuk i sapil munkaku’.
Punhimain aak laupakadau ihaan kaku’. Maaq naak kaku’a mishuan inaak lumaq, muqa hima tiktik a inudadanan. Kama’atikis naam a kaku, inaak uskunan muqa sasiva, a’anum a binanau’az, tatau ka banananaz.
Isnavaan aam sinsi ki malasTauluu siin malasAmilika tu patasan; maaq naak aski’aun a sia ki isisipul tu sinpasnanava, aupa nii aak mahaipi minqansiap. Haiza naam masnanava malasBunun tu sinsi, tupaun tu Ali Mangdavang sinsi, maqansiap aipa masnava malasTakivatan tu qalinga, mazima aak isnavaan istaa. Maisnaqabasang aam isnavaan kantutundaq mali, paqpun maqanqansiap aam amin kantudaq mali. Maaq i minaunin tinpaat tukii ka, kitngaa’in aam linsiu kantutundaq mali.
Kalumaqin a, tupa tina zaku tu masihal aas haip ihaan kaku’? Pisihalav a kavaang mapun haan sukui ta, siza ki hulus tal’isuq, muskun ata unisin tastulumaq maun i paitusanavan. Tunganin tal’isuq a, mukhivang a saduu tilivi, mazima aak saaduu ki katung, aupa madia asaun isnanahip tu sinzuzunga siin sinbabazbaz.
Nuum tu misqang tukii aam maun paitusanavan. Minaunin a matudulin aak. Tupa tama zaku tu, maaq suu haip sanavan napatasun? Asa tutupa tu kanaqtungan mapatas.
Suahaan aak siva tukii mapatas, lusqain aak matataisaq mapatas. Sankunukin a patasan siin ispapatas, mudaan masitsit i nipun, makitusbut munhaan sapalan, siza tanbunguan, qabang, tautakzang masabaq. Tudiip a, sivain tu isqang.
早上七點起床洗臉刷牙，換穿衣服，裝書本、筆、擦布入書包裡要帶到學校去。七點半吃早餐。爸爸為我們祝福。八點鐘揹著書包上學去。學校很小，同學只有九人。下午四點鐘開始練踢足球。五點鐘，學校的一天結束，老師交代我們家庭作業。回到家洗完澡後，我去看電視。六點半吃晚餐，爸爸說作業得寫完一些，寫不完明早再寫，我邊睡邊寫寫到九點鐘。我把書本和筆收好，去刷牙。到床上，拿枕頭和棉被倒頭睡時，已是九點半。