朗聲四起
izuaza tjaucikel na sepaiwan a namayatucu, kasicuayan aza ‘adav a cemas namangetjez ikacauan, sa ’emecilu tu drusa, manu djumaken na macidilj a kikasikasiv a cawcau, kacuyin a pasauma’ sa pitjaladji ta djilung a ljemengua’, manu izua ka ita ’adav, mapatjeljar ta tjeljar na ’adav aza drusa ’ecilu itjaladj ta djilung, manu venuak ta macidilj a u’aljai kata macidilj a vavayan aza drusa ’ecilu, pai aicu a uq’aljai kata vavayan mavananga sevalitan na paiwan aya.
aza masanitjalj anga a pakatua djilung a milimilingan mayatucu, izua ita qadav kacemalivat ikavulungan a qadav, manu djemumak ta nguanguaq aravac a ita djilung ipadayin, pai qemcilu a pitjaladj ta djilung, saqivu ta marecekelj a kamavanan tu ljemakev ta djilung, manu venuak ta macidjilj a vavayan aza qecilu, aicua vavayan mavananga sevalitan na sepaiwan aya, au aicua kamavanan namasan ljemakeljakev a cemas na paiwan kata namasan pazangazangal a vecik na paiwan.
manasika aicua tjaucikel na sepaiwan a pakatua djilung, mavana kinaizuanan natja sevalitan ikacauan aya tja’alja’aljan nu’ivu, nu uri lemindjelj ta va’uan a ’inaljan a mamazangiljan, tjara pakayizua sakamaya ta djilung, ayatua aicua djilung makaya ljemakev tua tja ’inaljan tua tja kinacemkeljan aya mamazangiljan nu’ivu, manasika kemasicuai izua sakamaya tjaucikel a pakatua djilung na ipasaviri a paiwan, au aicu a djilung liav a rinukunukuz a pitjuma’ na mareka mamazangiljan.
au aicua pakatua kinasizuan na djilung, kemeljang a mapuljat a ipasaviri a paiwan, izua angata a pacacapilj kata sicuayan a tjaucikel kata milimilingan na sevalitan, aicua mareka masengsengseng ta djilung, nu malalang ta djilung, tjara vencik ta kamavanan ta ’adav a pipalingulj ta djilung, aza patarevan sinipa’aljai kata kipa’enetj katua ljemakev siniayan. au aicu a djilung maretimaljimalji, a sinanpazangal na mamazangiljan a tjalja vavavan a kakavelian na djilung mavana dredretan.
當頭目要分家或建立分支部落時，必須要有陶壺的庇佑，各頭目的家也收藏很多陶壺。通常陶壺是貴族頭目才有珍藏，象徵著家族的財富與地位。過去在排灣族的社會裡，只有貴族才可以擁有陶壺，但現在陶壺已不是貴族的專利。
古陶壺的來源是遠古的傳說故事口耳相傳，做陶壺的傳統藝術工作者，會把百步蛇和太陽的圖騰刻畫在陶壺的外圍，表示尊重、紀念、庇佑的意思。排灣族的陶壺有很多種，頭目貴族認為最重要且價值最高的陶壺叫做「dredretan」。