kazu a maretama a tatelu. tu kininatrayay i tainataw a makiteng ziya nazu, masalr ziya mituruma’an i temamataw. i temamataw awa mutraluna, zi mumalr kani turuma’antaw za ailranan kanazu na lralrak. trurin i tralun na temama mu, izu na taina mu awa i’uma kivu’ira, zi papazek kanizu na ma’inay na alrak kani waditaw. meredek i ’uma mu, ini tainataw tu pikazuwaw na lralrak i talraviyaw pakivangavang, zi mukuwa kivu’ira, kiradisa. a kara’alriyan lra mu, ini na alrak na vavayan trematrangis zatu savelawan, i vawtaw mu tu dulu’usaw i waditaw, zi venavina kani tainataw mu, ’azi tu senuemani nazu.

piya kivu’ir, kiradis mu tu deruwaw. maderu na tu dinuruwan mu tu uitrasanay mada piyapadar mekan. piya mekan izu na taina mu mulusu piyaruma’ i intaw sasa,’azi mlingaw kana lralrak.

izu i vawtaw mena’u za ’ayam za menekunekun muviivii, nintaw lra anger muiyan. tu ikuraw na siyalra. na pesi mu tu silra’aw parkapat zi tu tuvininanaw patalram muvii. tu kinalalupan mada na tapelru tu parputaw zi tu karasayaw pituptupaw. zi menadanadam mankunukun muvii. maruwa manekun muvii meredek kana sa’az na kawi. i waditaw pulrengaw maruni, “ nga nga-i ”, i vawtaw pulrengaw za “ tu hu ru-i ” kema zi mangesenges nazu zi kemania marengay, “ i iniyam mu nintu kinapalakan mi ni ina. ”

i temamataw nania na lralrak mu mutralun mirawa zi tuy adayaw puruma’. azu meredek kana tu ’uma na vu’ivu’ir i dalrep mu, mena’u za ulra lralrak mutuwa’ayam muwavii, “ ni eman lralrak nannia, kemazu zi mutu’ayam awa?” kema.

ini na temama meredek i ruma’ mu ’azi mena’u kanazu na lralrak, mukuwa maya’a  mianger kanazu na mutu’ayam na lralrak. a mukakuwa musilrevana za zanum izu na vavayan mu, pakunamun kemerutr za watavurungan izu na vavayan, muruma’ musilrevan i turuma’antaw payas mutavurung zi tu alakaw na pinarvi’asan na minasuk na zanum zi tu ’ilrayanay semuvu kanizu na vavayan, izu na vavayan payas kemirkir marengay za “ ki ki ki, kuy ’utr’utraw nanu kavulung zi nu kavang… ” zi mututatutus lra.

一對夫妻生了一男一女，兒子八歲、女兒四歲時，母親過世，不久父親續絃。有天父親要去打獵並過夜，吩咐妻子照顧小孩。繼母指使男孩背著妹妹同她到芋頭田。

到了園地，繼母要孩子在工寮裡玩，她採收芋頭及花生。快到中午時妹妹肚子餓開始哭泣，繼母採收完才回到工寮，然後，把芋頭花生丟鍋裡煮熟，自己享用芋頭花生飯。吃飽後，理都不理孩子便逕自回家。

哥哥把妹妹帶出工寮，附近有鳥兒叫著跳著，自在飛翔。哥哥把揹巾當尾巴，把披衣撕成四片當翅膀，挖芋頭工具弄成一半當啄。

兄妹倆試著飛躍，當他們成功後，妹妹就發出高尖音「nga！nga！i」，哥哥則發出低沉聲「tu hu ru！ i」，兩人在尾音上發出啜泣聲並說：「我們是被遺棄的孩子。」 

父親回家沒看到孩子，去找也沒有找到。當他回家看到妻子，很氣憤，在妻子去挑水時，在家門口挖了坑，使妻子掉進去，並用沸水往下澆灌，太太被沸水燙得直尖叫，最後變成老鼠。