朗聲四起

aicu a gadu ipasa kavulungan, kapatagilj mamamav a pasavavav, ljakua vecain ni kavulungan aza mareka gadu a zuma, pai aminnanga ipasaviri ikavulungan a gadu mavan anga tjaljavavavan a gadu itua seviri a paiwan. aicu a i kavulungan a gadu na sepaiwan kata sedrekai kata sepiyuma a kiniv’acan a gadu, manasika aicu a sepaiwan sedrekai sepiyuma a kacalisian, a sipacunan ta ikavulungan mavana kinaizuanan na sevalitan niamadju.

au aicu a ikavulungan izua ipasaviri a gadu izua ipasanavalj a gadu, tjavavav a ipasaviri a gadu ta ipasanavalj a gadu, aicu a matjadrusa gadu izua liav aravac a sicuayan a milimilingan kata tjaucikel, izuaza masanitjalj a tjaucikel a namayatucu.

kasicuayananga katjaisangas, izuaza ita gadu a ngadan ti tjamapaljapaljai aya, mamav a pasavavav katua ikavulungan a gadu, ljakua inika pakanangua’ tjiamadju a madrusa. izua ka ita ’adav ’ivu a mayatucu ti kavulungan, tisun aku lja’edi’edi a ti tjamapaljapaljai, titjen a madrusa vavav itjen aravac saka namatjuljivar itjen uta, nekangata inika nguangua’ nutja pacunan, au kinemenem aken nu ljiateku itjen a pagalju kimana tjanguangua’ itjen aya ti kavulungan. inika tjakaljava ta tevela ni tjamapaljapaljai, ’ivu a mayatucu ti kavulungan, “ pai sangasu a ljiateku, pupicul sun angata, pai papacuni aken ta su sivalavala!” aya ti kavulunga. ini ka kemeljan tu kaligiligiljen ni kavulungan ti tjamapaljapaljai, masilevan a mayatucu a temevela, “ ui pai ku papacunai tuki kemuda ken a maumalj!”  inika cuai manu pa’ulid tu ljiateku anga ti tjamapaljapaljai.

kapacun ti kavulunga tu ljiatekuanga ti tjamapaljapaljai, maleva aravac a pivarung ti kavulungan, aza ka ljiatekuanga ti tjamapaljapaljai mayatucu a ’ivu tjai kavulungan, “ uza na maumaljanga ken ljiatekuanga ken, pai tisunai anga papacun ta su ca’uan!” aya ti tjamapaljapaljai. ljakua ti kavulungan ikanga pukaui a ljiateku, namivavavan anga a pacucun ta ipalingulj a mareka gadu sakamaya.

ka ivililj anga kemeljan anga ti tjamapaljapaljai tu vecavecain ni kavulungan, patjeljip aravac ti tjamapaljapaljai, ljakua kumalji a kemuda kisamulja timadju, inikanga makaya pacikel ta kinakemudan nimadju.

manasika patjetucu a tjaljavavavan a gadu itua pinuipaiwanan mavana ikavulungan, au a tjaljavavavan ikavulungan a gadu mavan a ipasaviri ikavulungan a gadu.

大武山群是排灣、魯凱、卑南三個族的發源聖山。大武山分成北大武山和南大武山，這兩座高山非常神秘，一直流傳不少神話故事及傳說，其中有一則是這樣的。

很久以前，有一座高山叫特瑪巴拉巴萊，高度跟大武山一樣高，兩座山都覺得這樣不好，於是決定變低。特瑪巴拉巴來沒多久就真的變低了。但是大武山怎麼都不變矮，仍高高的矗立在那裡，驕傲地看著每一座山。所以一直到現在，大武山是排灣族最高的山，而北大武山是大武山最高的高山。