朗聲四起

Ira salikulay a ma’urip i seraraway a tamedaw, sacacay saan a maekek, a maru’ i kabutian nira, tu namahaen araw ira kiya bahal sanay awaay ku nipabanaba:na aca a mikungkungay tu panan nu luma’. I matini sana’un sacingra a pasayra i panan a mimelaw, a misimsim aca tira sasidemak anu mibuhat tira pananan. Hacuwaay hakiya ku nikaekek a minengneng tira pananan, a makatengil aca tira sakalamkam, sacingelaw sanay a nipikungkung tu panan, matiya pasubana’ay tu biet, tu awaay tu ku sapitala nirawaywayan, tu namahaen pasayra satu a misu’ayaw tu panan a mitepar, a misakilemel a misiwar tira mataytay:ay a sasiwaran a panan, tu namahaen tireng saan, kira caayay kasingtud a tamedaw a masasu’ayaw, i hekal nu panan. Sakudul kawsa hen a masiwar, caay kalecad kira nisiwaran a misaniyuniyur tu mata, caacaay kasasuaraw, tengil han kira suni awaawa ku alesu a tengilan, mamirmir kira giha’, iran giha’ niya mangucihay a salangdaw sanay a nipasadak tu suni: salikaka mimaan kisu iti:ni hen saw? Kawya midakaway tira masasala’ay a hikuki, a tayra i ruma’ a ’uriraw caay haw satu. Tuna mahaen sana’un satu cira a paca’ub, suwal satu: sulinay tayra tu wamin ku laluma’an atu cabay nu maku, i ruma auriraw, nika matenes tu kaku a itini a ma’urip, pinaay tu hakiya a mihemihecaan, caay… caay… tu pakaliyas ka. ka. Kaku i tini!

Nikawrira, “ matini awaay ku sakasasuwal nu misu, a masamaanay a tamtamdaw i, caay haw ka’aniw’iw’sa’cacay’saan? ” ira timerengay i kawananay a tamdaw araw tuwa’ sa tunguyus a semuwal, suwal satu ay! sulinay tuyu, hay i, tayraaw tu kaku i luma.

Uriraw. Misaheduheduk hen kira suwal, araw teratera’ satu kira lusa’ a mahetik i sasamalahululay a nisangaan tu nusapad a raripa’an, tu namahaen wanik hantu nira kiya nisimed i lalabu nu bukes a babuhatan “ suwaa ” satu kiya suni’. Nengneng satu kira caayay kalesingtud a mata, a tiya mangucihay, salangdaw sanay a nguyus, satataang tanutuwa’ saan a semuwal: Arayum! Seraraw.

地球上的最後一個人，獨自坐在房間裡，這時突然傳來敲門聲，他緩慢地往門的方向看去，凝視了好一陣子，敲門聲愈來愈急促，透露著不耐煩的氣氛。於是，他走向門邊，吃力的轉開因生鏽而難轉動的門把，兩個跟他的模樣極不相同的生物站在門外，轉動一上一下、左右不對稱的眼睛，顫抖而不自然的聲音，從歪斜發紫的嘴唇中出現：「老兄，你怎麼還在這裡呀？你不是應該坐上飛碟到另一個星球去了嗎？」只見他緩緩開口說：「雖然親人、朋友都離我而去到另一個星球了，但是，我在這裡生活了好多年，我…我…我捨不得離開啊！」