I tiya niyaru’ anu ira kiyaluma’ siwawa ku hen i, tu babahiyan a wawa ci Kamaya han ku ngangan. Tiya cacay a remiad maru’ cira i aayaw nu sasingaran, demaang a mimelaw tu nika sasumasumad nu kakarayan, araw mamelaw ni Kamaya kira madukaay a ayam nu ’umah i lanu nu kilang, sapud han nira a pataluma’ a paeyu. Tuna mahaen sakapah han nira wawa kira ayam nu ’umah a midiput, malawit tu ku lalipayan araw mahadeng tu kira ayam nu ’umah, sacakucaku saan i aayaw nu kuku’ ningra, “ ciw, ciw, ciw ” saan a miangang, “ ayamaw mahadeng tu haw kisu” araw paca’ub kira ayam “ciw ” saan, “ kapah kisu ayam ”.
I matini araw ira kiya tusaay a ayam i hekal nu sasingaran a misacudacuday a mabaher, “ ayamaw tayni tu ku wama atu wina nu misu a pataluma’ i tisuwan, kamen kataluma’ tu! Paca’ub satu kira ayam ” ciw “ saan, ”anu taluma’ tu pisamisii’ haw! Aka tu kaduka, mabana’tu. Sulinay taluma’ tu kira ayam, malingatu tu ci Kamaya a ma’urun tira ayaman, aka’ a haw katulu’, aka’a kasulep satu a misimsim. Tuna mahaen malasawad tu ku cacay a remiad. Itiya i herek nu lahuk, malecad tu a mahenaba i aayaw nu sasingaran a mimelaw tu calamay ci Kamaya, araw ira ku tuluay a ayam maeber i hekal nu sasingaran, ya ira tuluay a ayam. Tuna mahaen misuem kira ayam tu paenu’ nu lusay, a maeber a masatuku i kamay ni Kamaya, a pabeli tira paenu’an.
Ta maeber tu a rarutu, nengneng sa ci Kamay a mimelaw tira paenu’an, paluma han nira i hinasera. Saremiad han a pananum a misimaw, araw u bulad tu ku nikalawit. Araw adihay kira masadakay nu lusay, ira kiya cacay micidekay a lusay pihaceng ku tataang, araw pela’ han nu wama kira paenu’, araw adihay ku tahekalay nu ekim atu budawan, hubaw! ka adihay nina sapaluma atu budawan, maan hatu nu mita, tada adihay tu a maan han ita satu ku wama atu wina ni Kamaya. Araw pasisi han tu nu heni ku biyaw. Tu bulabulad adi:hay tu ku sadak nira nipaluma tu lusay, araw sipacakay hantu nu wama ni Kamaya. Tu na mahaen malemed ku heni , lipahak kapah ku ‘urip tangasa idauc’. Sisa aka a kapawan tu rayray nu sengarawan nu mita u misa Pangcahay.
