朗聲四起

Yu mihcaan ira ku nipibuting nu Pangcah, misabinawlan a mibuting, nanu tu’as a serangawan a demak. U i amisay a Pangcah milaedis han. Yu i siwkulan a Pangcah mikumuris han, yu i sawaliyay a Pangch misacepu’ han. U nu i amisay a Pangcah, yu matiya hen a matu’asay, maherek a miketeb tu habay, mitanam tu baluhay a turun nu habay sa, tayra i nanum mibuting ku niyaru’. Nu aniniyay tu, iaayaw nu nipitipus, tayra i tarawadaw.

Mibuting paleayaw a paekeng tu tireng a mitipus, anu aluman tu ku mikuliyay sakacaluway a mihibang, paketun han tu, i enemay a bulad tu sakatusa a pilipayan ku nipilaedis. Nu matu’asay hen yu a milaedis, ira ku nipalecapu nu tumuk tu niyaru’ a milubang, misilsil tu demak, ira ku nipatatudung tu demak nu kasaselal. Nasaan mirasur tu ku babainay tu tabukud, cadiway, bubu, talabinan… tu sarepet nu sapibuting. U aayaw a remiad, miseper, mitabayar, mikali tu sadim ku kapah, sapieteng nu niyaru’. Tiya remiad maratar ku tumuk a mituktuk pabana’, u beleng tunu niyaru’ a tara i pibutingan, ira tu ku nipatatudung tu demak nu kapah, makateluc a selal, ira i babaw mieteng tu nanum, u babetuhan a selal, mipekpek tu sadim, u wama a selal, i rarem papulutan a pabubu, u matuasay a selal, palalungen nu kapah i kakalahukan, misaparud, mikasuy, patala tu lamal. Matatudung tu ku kerah sa, sipakababaw ku nipasadim, dupuh satu ku alumanay a misapud, micadiway, mitabukud, ira ku runung, cuwang, atapa, nipahabayan, bukung, urang, ili, u lamlam tu maamaan a butingan.  

Yu makaala tu tataakay a buting, caay kanca pilekal mapapaseneng, u tadababainay kaku saan. U nu tireng a nitabukudan, na i cengcengay a nikaalaan kumud han tu a milisimet a sapasisi.

Yu masisi tu buting, ira ku nu makatu’asay, u tataakay u alesu’ay. Kapahay a buting, sipasisi i matu’asay, pakayraen i mihcaan ku sisi, mahiniyay a nipasisis, midiput, mangudu, paka’ulah tu matu’asay, u kapahay a serangawan nu mita u Pangcah. Maherek a masisi tu buting sarumaruma sa a misaparud a malahuk makumud ku ngangasawan, yu terung nu nikalahuk patenas ku matu’asay tu mihakulungay a wawa, tatudung tu nipaka’ulah, u ruma satu miangang tu madupuhay a kapuh patayni i tapiingan a pakaen tu buting, mahaen haw ku kapahay a serangawan nu mita u Pangcah, “mabana’ tu matuasay, midiput tu wawa”. Salipahak sa ku niyaru’.

以阿美族為例，每年收割稻子之前，均舉行捕魚祭，現在為配合上班族的假日，在六月份的第二個星期日舉行。

捕魚祭的來源：主要是祭拜河神或海神的祭典。男性年齡階級的活動。凝聚割稻前，準備換工的組合。 

捕魚的方法很多，為表現整個部落，年齡階級的分工能力，用堵水的方式，各年齡階級都分配不同的工作任務，最後的魚獲全部集中，挑選大隻或上品的魚類，按年齡依次由年長者優先，表現敬老尊賢的文化特質。