朗聲四起

O ising no codad kako. Yo mamang ho^ kako, o radiw no wawa^, o nicokaan a codad, o nananamen a tatipelok, onini a maemin i, o nakamayan no mako a malaising. Ira ko ta’akay a ha-ko^, pitelian to codad, o mamangay, o ta’akay, o kifetolay, o kohepicay, ira a maemin a masongila’ ako a telien itira. Limela^ kako to nakamayan ako, o nicakayan a maamaan, songila’en ako a mina’ang. Simokoden ako to romi’ami’ad, matalaw soemet, citahefod, ato kaenen no ’a’ayad.

O fangcalay a idang ako ko codad. Ano malitemoh ako ko kafokilan a demak i, ira cingra palalan. Ano ira ko kakeseman no faloco’ i, ira cingra mihinom. O codad ko palalanay to faloco’ ako, pasifana’ to ’orip itini i hekal. O fangcalay a widang ato singsi^ ako ko codad. Hatiraay ko codad i ’orip ako, saka songila’en ako a milosimet mina’ang.

Ano macicih ko codad i, manga’ay kita a mi-pa-no-li^ a pacacipat; ano ma’opic ko codad i, manga’ay kita miala^ to sapi’icang a lalosidan. Ano mararid kita a mifelih, latek ira ko materakay a felih i, manga’ay kita a mi-pa-no-li^ a pasasiket, mala fangcalay a ising no codad. I laloma’ no pina’angan to codad i tu-su-kuwan, adihay ko masamaamaanay a codad, nanay hacowaay a romi’ad, tayra kako a miasip to codad, malaising no codad itira.

Anini^ a romi’ad, mineneng kako to pitelian to codad a ha-ko^, ’ara:w han i, caay to ka edeng ko pitelian; orasaka, samatiyaen ako o mikinsaay to tatirengan a misilsil kora halafinay to a codad i laloma’ no ha-ko^. Patayraen ako i manikaway a tamdaw a palada’, malo sadama^ to sakacitaneng nangra a mi’asip. Nanay o po:long no mi’asipay to codad a tamadaw, matiya o harateng no mako, mafana’ a milosimet, misolinga’, malaising no codad. 

 

 

 

我是個醫生，兒歌、畫冊、識字卡、識圖卡，就有醫療的痕跡。書本從小到大、從薄到厚，整齊排列，我每天會巡書櫃，照顧書冊，不讓它們受潮、長灰塵，或白蟻蛀。書是好朋友，能告訴我方向，能幫我排憂解勞，開啟智慧門，照顧它是我不能推卸的責任。不小心被撕破，隨手用透明膠帶補好；被水弄濕，馬上吹乾；剝落或年久脫膠，馬上黏好，就能當個「書醫生」。

圖書館藏書百萬，我希望將來能到那行醫，終日與書海為伴，當個「書醫生」。