朗聲四起

Ira ko takara:way a ya-si i taliyak no picodadan niyam. I kalaeno no ya-si i, masatisil mapaloma^ to to-cyuen a hana^, malo sakasalongan no sacomod no picodadan i tatihi no tu-su-kwan. I tu-su-kwan, adihay masatisil ko masamaamaanay a codad, o pikiliman niyam to kakafokilan a fenek. Ira  ko ti-yu-kwan, o pipasifanaan to tyen-naw ato masamaamaanay sasalamaan, mato masafaelohay ko laloma’ no picodadan. O roma^ i, ira ko karasida’itay a singsi^ ato malalokay misimaw to fawahan no picodadan a faki^, saka matiya o cecayay a laloma’an ko picodadan no niyam.

To dafak, lipahak ko faloco’ a talapicodadan, nawhani, ira itira ko tadawidang no mako, malacafay kami a minanam. I pipahanhanan i, malacafay kam a misalama^. O roma^ sato, i pipasa^sa’an i, tayra kami i picakayan to maamaan. O kalahokan i, fangsis sa ko sakalahok niyam. Herek no lahok i, henefa^ sato kami i sapad a pahanhan.

I pipasa^sa’an to kalahokan, caay ka saterep ko ngiha’ no micodaday. Ira ko hanengheng no miasipay to codad, ira ko romadiway ato matawaay. Adihay ko nananamen niyam to romi’ami’ad i picodadan. Minanam kami to sakalatamdaw ato sakatangka’ no tatirengan, tada o kalipahakan itini a minanam. O tadakaolahan no mako ko pasifanaay to miondoay ato romadiway. Ano mifalic ho^ kako to sapion-do a fodoy i, tangsol sa ci’angil ko tatirengan no mako. Maolah kako a mafekac ato mimali^ saka, ano malalifet to roma^ a cefang to pafatongay a mafekac i, caay ka eca^ o lasto^ kako, o pali:fet a mafekac. Caay pisamisi^ a miki’awot to i ka’ayaway, saka malasarakatay kako tangasa^ i patolasan. Alasadasadak ko kapot mihamham a mitakec i takowan, milowi’ a maacang, saka malipahak kako.

校園兩旁有椰子樹，大樹下有杜鵑花，另一端是圖書館，陳列著豐富的書籍，是學習的地方。還有體育館、電腦教室及遊樂設施。當然還有慈祥的校長、老師、保健室阿姨及警衛伯伯。學校就像是一個大家庭，我們每天在校園裡讀書、鍛鍊體魄及學習做人處事的道理。

下課鈴聲響起，大家忙著收拾書包準備回家，看著黃澄澄的夕陽，灑在校門口的林蔭大道上，我的校園真美，我愛我的校園。