Itiya ho, caayay pitolas a palimo’ot pa’icel ko mato’asay somowal sa, o ’orip no tamdaw, caayay kangaay no mita mili’ayaw a mafana’, mangalef awa ko caay kasa’et no rakat i ’orip, nawhan o ’orip no mita matiya sa o riyar awa ma’araw ko lawac, nika ira ko leno ira koerac. o roma i, matiya sa o kohaw i kaysing ira ko kaedahay, ’acicimay, micedemay ato ’angreray, masamaan a kohawen? ano ca tanamen mansa kafana’. saka tahada’oc kita o tamdaw, ira ko kalipahakan ira ko kararoman, ira ko kalata’angan ira ko kasemeran, sa lipahak to nika ira no nilahecian, a masemer to nika awa ko nilahecian. Orasaka, misi’ayaw kita itini i rakat no ’orip to nika kamoko’ ato makera ko kada’atan no ’orip, samanen no mita sao? ano o pacarcaray ho matoled, makilatosa ato masemer ko faloco’, o matatodongay to konini , nika tati’ih misakakaya. Saka kafana’ kita misi’ayaw to lalifeten, aka pita’elif to matoleday i rakat no ’orip, roma ano malemed mafahekol talalinik no tono’ kiso, anca o karaodan no sakafangcal kacakatan a romi’ad konini. Orasaka kafana’ patatodong misalof to fangcalay a faloco’ no tireng ato mifana’ miliyas to kasemeran i rakat no ’orip, latek o raarakaten i ka’ayaw no miso, matiya to o kalangdaw no kakarayan a taengad.
Kita o tamdaw hananay awa ko matiyaay to niharatengan nira makera ko katati’ihay, awa ko matiyaay toni nanayan nira a malemed ko ’orip nira. Orasaka, aka palatati’ihen ko piharateng toya demak. Itini pilifet i rakat no ’orip, i’ayawen ko paso’elin to ’icel no tireng, ta mangaay a tomireng, malasaka cicedi a pa’icel. Aka katalaw makera ko kalata’angan ato pilokes no tamdaw, ta talahekal ko ci’icelay to sakacakat ato sakacowat no fenek i rakat no ’orip no miso. Misi’ayaw to misa’etay to ’orip, deng pakaso’elin to cedi no tireng, ta makadkad ko sakaci’icel, misi’ayaw to masamaanay a lalifeten.
人生無法預知,更不可能一帆風順,就像廣濶無邊的海洋,有漲潮、落潮。生活像一碗湯,酸甜苦辣在其中,箇中的滋味,品味後才能見分曉。
面對人生低谷,我們該怎麼辦?失意、彷徨、苦惱?短暫的情緒反應是正常的,但不能持續太長。我們要學會面對考驗,命運之神把你拋入谷底,可能就是人生騰飛的最佳時節。學會調適心情,學會走出低谷,擺在面前的是一片湛藍的天。
在人生的磨難中,人要自信,才能自立、自強。要學會豁達處事,榮辱不驚,才能活出一個積極向上的人生、一個智慧通達的人生。面對生活的羈絆,唯有相信自己的能力,才能激發勇氣,迎戰各種考驗。