朗聲四起

Tayal nyun maki rhiyal na Taywan qani ga, mziman mtiyu mang qabax ccquliq nya, wan nya hnasun qutux kbhul ga saying cquliq na Tayal nyan ngyut tmwang llaqi hbku uyi, memaw nya hnasun pin’lqyan qabax llaqi hbku Taywan qani, bhuyax mbalq mrkyas.

ita Tayal ga, twahiq rhiyal cyan ta kki’an, ini piyang kinblaq ryaniq ta, ini tehuk kya uyi ccquliq ki qqaya na pklahang hi ta, nanu yaca, ini tl’ux ciyan mqynux Tayal, memaw mrwak mpuw kawas qu tninun ta. akya hmcwa Sexu nyan mlahang mwani qani ga, skahul nya yaw nqa kklahang hi, kki’an cinbwanan, tl’ux na qqnxan na ccquliq tayal, aki twahiq pinktayux naha ro mkiyik lmnglung rmurux mtiyaw ki mblaq mlahang.

qabax ccquliq nya Tayal nyan maki sqa Girang qani ga, qutux mang ru tiyu seng qabax hi, nyan atu mqasux maki sqa llyung Mnibu ru llyung Klesan ini ga qqalang hugal. nyan atu mshriq qalang ro mwah te hugal hmkangi yaw pintyawun, mlahnag qqnxan na muyax, ana piyux yaw ptyawun hugal ga, piyux hriqun uyi, nanu mica, yaba ki yaya, sbilan naha llaqi maki sqa rgyax mwah mtiyaw hugal, uka cinyaba ki cinyaya plahang, yutas ki yaki mlahang, mutu maki llamu yihul na yaw mhtux sqa kklahang na llaqi mwani qani.

qutux loyi ga, maki yaba ki yaya lokah balay ppqwas biru llaqi mwani qani, yaw na qqyanux llaqi yunga nya,sinpuyut calay ini hmut hmiriq, mqniyat pposa hugal qa ppqwas biru llaqi. nanu mica, khmay llaqi ta tayal garing sqa cipuq pinnqwas biru musa mkraxan mqwas biru, ini ga mkaraw hupa pinqwasan biru tehuk squ pkrax loyi hupa pinqwasan biru, memaw lmeliq qabax pinqwasan biru qa llaqi ta mwani qani.

qalang mu qani ga, cyan maki qalang Skikun, blaq calay ktalan ro piyux calay rrgyax nya nyan si tpanga, ini slwiy, ana cquliq nya uyi ga mhway inlungan nya ro shelax qabax inlungan naha.

qalang mu qani ga piyux calay rramat pinmiyon, ana pinqwasan myan biru ini ga qalang myan ga twang tkbaq ppiyan na Tayal ki qwas na Tayal uyi. rramat hiya ga yaba yaya naha muya, nya naha pmuyan qani ga, maki ramat na Tamana, maki tbihi, maki ramat na tbihi mlabuw uyi. laq hiya ga mwah pkrax qmasux naye na tbihi ro Tamana qani, rax stuling qsya, baq pkrax smi built hiryo uyi.

qalang myan qani ga siyan mu calay, ana utux bnheci ga nyan klahang.

原住民族人口約有五十多萬人，佔總人口數的2%。原鄉多地處偏遠，交通不便，醫療資源相對貧乏，導致原住民平均壽命比平均少了近十年。許多族人為求穩定工作，遷居到平地鄉鎮或其他縣市，多數父母把子女留在部落由祖父母照顧，形成隔代教養。部分父母選擇將子女帶到都會區，使得原住民學生在各級教育階段就讀比率逐年升高，提升全體原住民的平均教育水準。

大同鄉四季部落，四面環山，種植高冷蔬菜。希望祖靈可以一直護佑部落。