朗聲四起

Itiya ho ko malitengay, ano ira ko sowal to “ lalan ” hananay, o sa’ayaway maharatengay nangra o karomakatan no tamdamdaw a lalan, tangsol makadkad i faloco’ no malitengay samaanay korira a lalan sato? O kakahaday! anca o maromotay a lalan? O masadafdafay anca o ngapangapadan? O moecelay, o masa’iko’ikongay? O nga’ayay, o tatiihay a rakaten hakiya! saan misaharaterateng.

Tinako ano malitemoh ko ta’angayay a faliyos ato ’orad i, misatapang to makesem kita, samaanay to hakiya ko lalan? nga’ayay hakiya rakaten ko lalan sa? Anini ira ko roma a sowal no mako to pakayniay i roma a lalan, o mirakatan i ’orip a lalan. Ira ko sowal to amoko’ay ki’edaway ko ’orip! O kamoko’ay ki’edaw to a ’orip i, o mamihawang to kita tona lalan, anca ’aloman ko siwatid sanay ko karomakat.

Nanoya, matongal ko karomahad midoedo to mihecaan i, mahapinang mahahecahecad ko misi’ayawan a rakat, malalitemoh to cowa kahahecad a tamdaw. O rira a tamdaw patihiay to karomakatan, mata’elif ko ikol no karomakatan i, miwangawang to kamay miliyas tisowanan, masasiwatid to ko rakat no miso, anca o roma to ko malitemohay no miso a malacafay romakat i rakat no ’orip a lalan. Tahini kita tona hekal, malitemoh ko tatosaay a tamdaw, paini to ’orip no mita. Cangra a tatosa o sakakaay to piti’elan no mita, dipoten pa’oripen ho nangra kita.

O karahad no mita to mihecahecaan, tahira i tahatenok ko ’orip, masaroma to ko masi’ayaway no rakat i’orip. Roma i, malitemoh no miso ko kaolahan a cafay, patireng to niyah a parod, maka ci wawa wawa to a palahad to teloc, maliteng to ko ’orip i, o fofo to no fofo kita. Saka ano papasicowaen no miso ko rakat, o niyah ko mamisimsim to matatodongay a lalan ato papasicowa ko karomakat no miso! Mahaen ko pinangan no tamdaw i rakat no ’orip kiyasaw!

「路」是通行的道路，是大馬路還是小徑？是平原還是懸崖？是直的還是彎的？好通過還是不好通過？颱風來襲，風大！雨大！進出的道路是否損壞？是否可以通過？不同的旅途遇到不同的人。首先遇到的是給我們生命的人，養育我們，但無法陪伴我們到終老。

進入社會，會有一兩位知己朋友陪伴成長，但那些知己朋友不可能相伴到永遠。成年人要面對不同的人生旅途，將遇到喜歡的伴侶組織家庭，決定走哪條路及如何走法？就是所謂的人生旅途。