朗聲四起

Ya pito ko mihecaan ni tokong i, patayraen no wama ira i kongkoan papitilid ci tokong, tahira i moetep ira ko pito ko mihecaan nira, mihakelong to wama ira a malingad mawmah. Pasowal han ni tokong ko wama ira! “ itira i kongkoan, maolah ko singsi to hacikayay ato mafana’ay a romadiw a tamdaw, ma’inalay kako cangranan, sapikapotan kako cangranan a mihatatanam comikay, anoca mihatatanam micoka manga’ay han? Macera’ay to kako, oyanan to ko misoritan to romi’ami’ad, cowa ka pasela’ miseking kami, han nira pasowal ko wama ira. Matengil no wama ni tokong ko sakana’ayaw nira mitilid i, pasowal han nira ci tokong! “ kamaro’, licayen ako kiso! O maan ko kaolahan iso a komaen? O tama’ han! ano o holo? ”Sowal sa ci tokong! “ O holo ko nga’ayay! Cowa ka cera’ komaen to holo ”. “ hay han! ano hatira i, sowalen ako kiso! ” “ I’a: yaw, ira ko cecay mafana:’ay mi’adop a tamdaw, ano citama’ cingra cowa kaeca mipafatis to tama’ ira.

O halipalada’ay a pinangan, o kahemekan no mita o ’Amis konian cowa saw! Nika marawed sato ko kasienawan, mararid ko tatiihay a sienaw, matalaw to maemin ko tamdamdaw mahadak matayal. Awa to ko kakaenen, ya mafana’ay mi’adop a tamdaw i! misacikacikay to a micorok to fiyafiyaw a micaliw to panay to kakaenen. Masowal no cecay a malitengay, talacowa mafa: na’ kiso a mi’adop, kaorira! Awa: ko kakaenen iso! han noya malitengay. Mase:mer ko faloco’ nira mitengil to sowal noya malitengay.

ano kiso to o mitiliday ato mawmahay ciroma saw! Mahecaday:to, misaliyaliyaw to yanan to a demak midemak, oya misa’icelay to romi’ami’ad a tamdaw mitilid i, mala tadamaanay ko ’orip, pakaala tono hakasi a pitilid, oroma i, malaisingay, ira ko malasingsiay ato malatayhinay , malatadamaanay to ko ’orip no inanengay misa’icelay a tamdaw.  Awa to ko kacalemceman kacango’otan no saka’orip , cowasaw?

Saka, aka ka toka, ka cera’ kita to masamaamaanay a demak, nengnengen ko ’orip no ciepocay a tamdaw, o ka inaneng a matayal sa macakat ciepoc ko ’orip cowasaw?

講述Tokong從小被父親送去讀書，十七歲後開始務農。Tokong向父親表達自己想學賽跑或畫畫，厭倦一成不變的生活。父親以「野味與米飯」作比喻，說明生活的基本需求比表面的光鮮重要。他舉例說明，一位擅長狩獵的人雖受人稱讚，但冬天糧食短缺時，仍要向人借糧，最後感到自尊受挫。父親提醒Tokong，無論讀書或耕作，看似重複枯燥，但能保障生活穩定。即使成為博士、醫生、老師或警察，也因持續努力而無需為生計煩惱。傳達腳踏實地的重要性。