朗聲四起

Patas dowriq emptsamat Truku o tama ka pusu, kndsan sapah Truku o smparu bi Tama, kana euda ana manu o tama ka pusu bi dmudul. kska seejiq tnpusu o Truku ka pusu bi tmsamat, kndsan Truku sbiyaw o tmsamat ka pusu bi kndsan sapah, ana manu ka knkla kndsan sbiyaw aji uri o euda kneudus, kska kndsan sbiyaw o niqan gaya ni psaniq ka qlhangun dha balay, ida paah gaya tmsamt ka saw nii uri, quri saw endaan sbiyaw ka risaw Truku mstrung wauwa o asi ka mnsa mdkrang mangal tunux pais ni mkla bi musa tmsamat ni mbhring bi samat uri, wana balay mnangal tunux pais ka mtduwa ptasan dqras, duri o mnegaya balay ni mnegseesu lnglungan, tpusu bi lala qngqaya na ni embiyax bi qbubur na saw nii o pusu balay ka saw nii ha! Snaw o tmsamat. kuyuh o tminun kika mtduwa muda hakaw utux, yaasa saw nii o mquri alang kndsan ruwan sapah ni aji hhuya kneudus, embbais 1 balay patas dowriq o ini tuku kiya, manu saw kiya do asi ka malan mtrurul  2 patas dowriq o kika mrana qmbliqan, saw nii patas dowriq ga kska tnunan qabang aji uri o lukus, kiya o kmlawa alang ni sapah. Rinah mgdhug ini hyhuya ka alang, bsiyaq balay mniq hiya ka pusu rudan Truku, spruun dha balay ka pnegluban gaya pusu rudan, manu saw kiya do kana ana manu euda kndsan o asi ka muda pprngaw dha utux rudan. Ini ptbiyax qmpah qmpahan siida tqnay musa tmsamat bbuyu 1 iyax jiyax sngayan aji uri o 2 iyax jiyax sngayan kana ka dsnaw alang, mmowsa bi brah na keeman siida muda smmalu kksa, rsuhan dha dara rudux qngqaya tmsamat, kiya o pucing, smbrangan, bhniq ni gasil, meysa hhtngay napan dha miyah sapah.

Mowsa bi keeman siida asi ka qmita spi, mkleelug o qmita sisil ni qmita rngji rangaw, mtduwa aji uri o ini tduwa musa tmsamat, miyah paah tmsamat dhuq sapah ka emptsamat do pssgun dha kana alang ka napa dha samat.

Mmowsa mdkrang ka dsnaw siida, ini psrwai pcinun ka kuyuh, tmikan masu psramal buwax ddsun, hmlama ni psbgrahan ka tahut rqda. Musa mssli empprngaw bbuyu ka dsnaw eusa na ni mduuy qsiya srbug dha qsiya ka rnabaw ni daan na murus babaw tunux txtaxa hiyi smapuh aji dha eangal ramus. Babaw na nii, hmgluq pucing tgakat thmuku tluung ka kana ni tgluus embahang sndhug kari mdudul, kiya do kana o ciyu tluling baga dha ka pspuun dha rmbug qsiya gaga brah mduuy qsiya ni smdhug kari.

太魯閣族是「父系世系」、「重視核心家庭」，熱中狩獵活動，無論是在傳統文化或生活習慣，常與傳統的狩獵文化相關，許多戒律和禁忌。涉及部落、家族生計與安全，除了一對菱形紋以外，再額外增加成兩對加添祝福，將備受祝福的菱形圖紋加倍織在衣物上，以此保家為部落。

祖先非常重視與祖靈的習俗關係。狩獵前一晚上會舉行狩獵儀式，當夜的夢占、路上靈鳥及蠅占決定可否狩獵，獵物也會分享給部落族人。