朗聲四起

Patas dowriq utux rudan nii o pnskraya murug gaya hnici rudan Truku sbiyaw, ptqlahang laqi laqi Truku murug gaya nii ni aaji dha qqmpah naqih, duri ni mgdhug bi muda ini hyhuya ka kndsan dha, saw kari rudan qnbhangan o tminun dowriq hakaw utux hiya ka pusu rudan Truku, (1). muda qmita aji euda qmpah naqih. (2). kmlawa qmita kana laqi laqi Truku. Saw kiya do tunun dha hiya ka patas dowriq nii ptqlahang dhiya nanak kdjiyax, ida meeniq kykiyig ta qmita ni kmalaw tnan kdjiyax ka utux rudan.

Saw nii ka nkari hnici rudan sbiyaw, hakaw utux o pnskraya pnrjingan kneudus ni knhdaan. duri ni muda hakaw utux ka Truku o yahan tana smtrung ka pusu rudan ta. Kiya ka kiya ni niqan pusu na ka miyah smtrung tnan, kiya o asi ka mkla bi tmsamat ka snaw ni asi ka mkla bi mseusa ka kuyuh.

Mqraras Utux Tmninun sbiyaw ka rudan, Truku o babaw mnangal uqun, mnhdu mangal uqun ka kana alang do musa tmsamat kana ka dsnaw.

Mnsa bbuyu dhuq sapah ka dhiya do mangal rnabaw qhuni tamul ni rbuun dha kkska hika hlama masu, buut samat ni sinaw, spqaya dha sida qhuni llingay sapah. Mangal cicih hlama masu ni sbgay na Utux Tmninun rmngaw, 〝kana ana manu nngalan nami hngkawas nii o bnegay su mnan kana. Sayang ka yami o mqaras nami sunan ni mgay nami kana nii. tai saw pprana su mgay mnan duri hkawas enduray. Sus Bari! Mhuway su wah!. Muda saw nii o kingal sapah nanak, aji kana alang ka sbiyaw

Kana rudan Truku sbiyaw o klaun dha ka dowriq utux rudan o kmlawa kana kndsan dha, mgay aji hyhuya knenudus, ana ta musa qmpah ana inu, qmpahan daya, musa tmsamat, musa mdkrang, ida nii tghuy ni qmita tnan msa snhiyi ka rudan Truku. Rudan ta Truku sbiyaw ka smku bqrus ruwan sapah “ knkla kndsan smku bqrus ruwan sapah sun. ” o ana bitaq ana knuwan nii tghuy mniq tnan ni kmlawa tnan ni mgay biyax hiyi ni mqaras lnglungan kdjiyax ka utux rudan ta msa o snhiyun dha balay, kika tminun qabang ka kykuyuh o tunun dha mdka dowriq ka patas tnunan dha qabang uri, snhiyun dha balay mlukus lukus niqan patas dowriq o nii qmita tnan ka dowriq utux rudan msa.

祖靈之眼象徵太魯閣族人謹守祖先遺留下來的規範禮俗，守護庇佑族人。傳說，祖先會在彩虹橋上化為菱形眼睛，一來監視族人遵守禁忌，二來是庇祐子孫。將祖靈之眼織在織品上，象徵祖靈在身邊守護。

祖靈之眼是生活的保障，賜安全的生活，狩獵平安。以前「室內葬文化」就是相信祖靈的眼睛在看顧我們。婦女們織上菱形圖案「祖靈之眼」，就是相信祖靈看顧我們一路平安。